റിപ്പോർട്ട്: അൻവർ ഷരിഫ്
മലപ്പുറം: ഇന്ത്യൻ ആർമിയിലെ അഗ്നിവീർ ടെക്നിക്കൽ വിഭാഗത്തിലേക്ക് തിരഞ്ഞെടുക്കപ്പെട്ട ആദിത്യ ശ്രീമന്ത് ജാതവിന് എടവണ്ണപ്പാറ ടൗൺ മുസ്ലിം ലീഗ് കമ്മിറ്റിയുടെ നേതൃത്വത്തിൽ ഊഷ്മളമായ അനുമോദനം നൽകി (Agniveer Technical Selection). മഹാരാഷ്ട്രയിൽ നിന്ന് കേരളത്തിൽ ജോലിക്ക് എത്തിയ ശ്രീമന്ത് രംഗ റാവു ജാതവിന്റേയും റാണി ശ്രീമന്ത് ജാതകന്റെയും രണ്ടാമത്തെ മകനാണ് ആദിത്യ. കുടുംബത്തോടൊപ്പം കേരളത്തിലെത്തുകയും ചെറുപ്പകാലം മുതൽ എടവണ്ണപ്പാറയിലെയും പരിസരങ്ങളിലെയും സ്കൂളുകളിലും കോളേജുകളിലും പഠനം പൂർത്തിയാക്കുകയും ചെയ്ത ആദിത്യ, നാട്ടുകാർക്കും പ്രിയങ്കരനാണ്. ഇന്ത്യൻ കരസേനയുടെ അഗ്നിവീർ വിഭാഗത്തിൽ രാജ്യസേവനത്തിനായി പ്രവേശിക്കാൻ ഒരുങ്ങുന്ന സാഹചര്യത്തിലാണ് പ്രദേശത്തെ ജനപ്രതിനിധികളും രാഷ്ട്രീയ സാംസ്കാരിക പ്രവർത്തകരും ചേർന്ന് ആദിത്യയെ ആദരിച്ചത്.
എടവണ്ണപ്പാറ വാർഡ് മെമ്പർ മുനീർ പുളിയക്കലിന്റെ അധ്യക്ഷതയിൽ നടന്ന പ്രൗഢഗംഭീരമായ ചടങ്ങിൽ വാഴക്കാട് ഗ്രാമപഞ്ചായത്ത് വൈസ് പ്രസിഡന്റ് അഡ്വക്കേറ്റ് എം.കെ. നൗഷാദ് ആദിത്യ ശ്രീമന്ത് ജാതവിനെ പൊന്നാട അണിയിച്ച് ആദരിച്ചു. മുൻ ബ്ലോക്ക് പഞ്ചായത്ത് മെമ്പർ പുളിയേക്കൽ അബൂബക്കർ, ആസിഫ്, ഗഫൂർ, ഷാനവാസ് തുടങ്ങിയ പ്രമുഖ നേതാക്കളും ചടങ്ങിൽ സംബന്ധിച്ച് ആശംസകൾ നേർന്നു. സ്വന്തം നാട്ടുകാരെപ്പോലെ സ്നേഹിക്കുന്ന ആദിത്യയുടെ ഈ വലിയ നേട്ടത്തിൽ സന്തോഷം പ്രകടിപ്പിച്ചുകൊണ്ട് പ്രദേശവാസികളുടെ വകയായി വർണ്ണാഭമായ വെടിക്കെട്ടും മധുരപലഹാര വിതരണവും എടവണ്ണപ്പാറ ടൗണിൽ സംഘടിപ്പിച്ചിരുന്നു.
Summary: Aditya Shrimant Jadav, who was selected for the Agniveer Technical wing of the Indian Army, was honored by the Edavannappara Town Muslim League. Aditya is the second son of Shrimant Ranga Rao Jadav and Rani Shrimant Jadav, who moved to Kerala from Maharashtra years ago for work. Having completed his schooling and college education in Kerala, Aditya’s achievement brought immense pride to the local community. The felicitation ceremony was presided over by Ward Member Muneer Puliyakkal, and Vazhakkad Grama Panchayat Vice President Adv. M.K. Naushad honored him, followed by a colorful celebration with fireworks and sweets distribution by the locals.
