കോയമ്പത്തൂർ: തമിഴ്നാട്ടിലെ കോയമ്പത്തൂരിൽ സാധനങ്ങൾ വാങ്ങാൻ കടയിലേക്ക് പോയ പത്തുവയസ്സുകാരിയെ തട്ടിക്കൊണ്ടുപോയി കൊലപ്പെടുത്തിയ നിലയിൽ കണ്ടെത്തി (Coimbatore Minor Girl Abducted Murdered). കോയമ്പത്തൂരിലെ സുലൂർ മേഖലയിലെ കണ്ണമ്പാളയം തടാകത്തിന് സമീപത്തുനിന്നാണ് വെള്ളിയാഴ്ച പെൺകുട്ടിയുടെ മൃതദേഹം കണ്ടെത്തിയത്. സംഭവവുമായി ബന്ധപ്പെട്ട് കാർത്തിക്, മോഹൻ രാജ് എന്നിവരെ പോലീസ് അറസ്റ്റ് ചെയ്തിട്ടുണ്ട്. പ്രതികൾ കുട്ടിയെ തട്ടിക്കൊണ്ടുപോയി ക്രൂരമായി കൊലപ്പെടുത്തുകയായിരുന്നുവെന്ന് പോലീസ് വ്യക്തമാക്കി.
ക്രൂരമായ ഈ സംഭവത്തിൽ തമിഴ്നാട് മുഖ്യമന്ത്രി ജോസഫ് വിജയ് കടുത്ത ദുഃഖവും ഞെട്ടലും രേഖപ്പെടുത്തി. ഇത്തരത്തിലുള്ള മനുഷ്യത്വരഹിതവും ദാരുണവുമായ കുറ്റകൃത്യങ്ങൾ സമൂഹത്തിൽ ഒട്ടും വെച്ചുപൊറുപ്പിക്കില്ലെന്നും കുറ്റവാളികൾക്കെതിരെ ശക്തമായ നടപടിയുണ്ടാകുമെന്നും അദ്ദേഹം എക്സ് പ്ലാറ്റ്ഫോമിലൂടെ വ്യക്തമാക്കി. സംഭവത്തിന് പിന്നാലെ നീതി ആവശ്യപ്പെട്ട് കുട്ടിയുടെ മാതാപിതാക്കളും ബന്ധുക്കളും സുലൂർ പോലീസ് സ്റ്റേഷന് മുന്നിൽ വൻ പ്രതിഷേധം സംഘടിപ്പിച്ചു. ഡിജിപി സന്ദീപ് റായ് റാത്തോഡ് അന്വേഷണ പുരോഗതി വിലയിരുത്താൻ കോയമ്പത്തൂരിലെത്തിയിട്ടുണ്ട്.
கோயம்புத்தூரில் நேற்று 10 வயது சிறுமிக்கு நிகழ்ந்த கொடூர சம்பவம் மிகுந்த வேதனையையும், அதிர்ச்சியையும் அளிக்கிறது. இத்தகைய மனிதநேயமற்ற மற்றும் மன்னிக்க முடியாத குற்றச் செயல்கள் நமது சமூகத்தில் ஒருபோதும் ஏற்றுக்கொள்ளப்பட முடியாது.
தங்கள் உயிருக்குயிரான குழந்தையைப் பிரிந்து வாடும்…
— CMOTamilNadu (@CMOTamilnadu) May 23, 2026
തമിഴ്നാട്ടിൽ പുതിയ ടി.വി.കെ സർക്കാർ അധികാരമേറ്റ് ദിവസങ്ങൾക്കുള്ളിൽ നടന്ന ഈ സംഭവം വലിയ രാഷ്ട്രീയ വിവാദങ്ങൾക്കും വഴിവെച്ചിട്ടുണ്ട്. ക്രമസമാധാനനില തകർന്നുവെന്ന് ആരോപിച്ച് പ്രതിപക്ഷമായ ഡി.എം.കെ രംഗത്തെത്തിയപ്പോൾ, മുൻ സർക്കാരിന്റെ വീഴ്ചകളാണ് ഇതിന് കാരണമെന്ന് ബി.ജെ.പി വിമർശിച്ചു. പ്രതികൾക്ക് കടുത്ത ശിക്ഷ ഉറപ്പാക്കുമെന്ന് തമിഴ്നാട് മന്ത്രി എം.എസ്. സമ്പത്തും സുലൂർ എം.എൽ.എ എൻ.എം. സുകുമാറും കുടുംബത്തെ നേരിട്ട് കണ്ട് ഉറപ്പുനൽകി.
Summary: A 10-year-old girl who went missing on Thursday was found dead near Kannampalayam lake in Coimbatore’s Sulur area, prompting massive protests. Police have arrested two suspects, identified as Karthik and Mohan Raj, for abducting and murdering the child when she stepped out to buy groceries. Tamil Nadu Chief Minister Joseph Vijay expressed deep grief and stated that such inhumane criminal acts will not be tolerated, as the opposition DMK targeted the newly formed TVK government over the state’s law and order situation.
