ന്യൂഡൽഹി: തമിഴ്നാട്ടിൽ ഡിഎംകെ-കോൺഗ്രസ് സഖ്യം തകർന്നതോടെ പാർലമെന്റിൽ തങ്ങളുടെ അംഗബലം വർദ്ധിപ്പിക്കാനുള്ള രാഷ്ട്രീയ നീക്കങ്ങൾ സജീവമാക്കി ഭരണകക്ഷിയായ ബിജെപി (DMK Congress Alliance Split). തമിഴ്നാട് നിയമസഭാ തിരഞ്ഞെടുപ്പിൽ കോൺഗ്രസ് സഖ്യം ഉപേക്ഷിച്ച് നടൻ വിജയ്യുടെ ടിവികെ പാർട്ടിയെ പിന്തുണച്ചതോടെയാണ് ഡിഎംകെയും കോൺഗ്രസും തമ്മിൽ കടുത്ത ഭിന്നതയിലായത്. കോൺഗ്രസ് തങ്ങളെ പിന്നിൽ നിന്ന് കുത്തിയെന്നാണ് ഡിഎംകെ ഇപ്പോൾ ആരോപിക്കുന്നത്. ലോക്സഭയിൽ കോൺഗ്രസ് എംപിമാർക്കൊപ്പം ഇരിക്കാൻ താല്പര്യമില്ലെന്നും തങ്ങൾക്ക് പ്രത്യേക സീറ്റ് അനുവദിക്കണമെന്നും ആവശ്യപ്പെട്ട് ഡിഎംകെ സ്പീക്കർ ഓം ബിർളയ്ക്ക് കത്തയച്ചിട്ടുണ്ട്. ഈ സാഹചര്യം ദേശീയ തലത്തിൽ അനുകൂലമാക്കാനാണ് ബിജെപി ശ്രമിക്കുന്നത്.
തമിഴ്നാട് നിയമസഭാ തിരഞ്ഞെടുപ്പിൽ വിജയ്യുടെ ടിവികെയോട് പരാജയപ്പെട്ടതോടെ സംസ്ഥാന രാഷ്ട്രീയത്തിൽ ഡിഎംകെ ശക്തമായ വെല്ലുവിളി നേരിടുന്നുണ്ട്. ഈ സാഹചര്യത്തിൽ കേന്ദ്ര സർക്കാരുമായി സഹകരിച്ചു പോകാൻ ഡിഎംകെ തയ്യാറായേക്കുമെന്നാണ് ബിജെപിയുടെ കണക്കുകൂട്ടൽ. മുൻപ് അടൽ ബിഹാരി വാജ്പേയിയുടെ നേതൃത്വത്തിലുള്ള എൻഡിഎ സർക്കാരിന്റെ ഭാഗമായിരുന്നു ഡിഎംകെ. നിലവിൽ പാർലമെന്റിൽ ഭരണഘടന ഭേദഗതികൾക്കും ഡിലിമിറ്റേഷൻ (മണ്ഡല പുനർനിർണ്ണയം) ബില്ലുകൾ പാസാക്കാനും ബിജെപിക്ക് മൂന്നിൽ രണ്ട് ഭൂരിപക്ഷമില്ല. ലോക്സഭയിൽ 22 എംപിമാരുള്ള ഡിഎംകെയുടെ പിന്തുണ ലഭിച്ചാൽ ബിജെപിക്ക് കാര്യങ്ങൾ എളുപ്പമാകും. ബിജെഡിയും വൈഎസ്ആർ കോൺഗ്രസും ചെയ്യുന്നത് പോലെ, എൻഡിഎയിൽ ചേരാതെ തന്നെ ദേശീയ വിഷയങ്ങളിൽ കേന്ദ്രത്തിന് പുറത്തുനിന്ന് പിന്തുണ നൽകുന്ന രീതിയിലേക്ക് ഡിഎംകെയെ എത്തിക്കാനാണ് ബിജെപി കേന്ദ്രങ്ങൾ ലക്ഷ്യമിടുന്നത്. അടുത്ത വർഷം നടക്കാനിരിക്കുന്ന രാഷ്ട്രപതി തിരഞ്ഞെടുപ്പിലും ഡിഎംകെയുടെ പിന്തുണ ഉറപ്പാക്കാൻ ബിജെപി ഇതിലൂടെ ശ്രമിക്കുന്നുണ്ട്.
Summary: The ruling BJP is exploring opportunities to work with the DMK in Parliament following the collapse of the DMK-Congress alliance in Tamil Nadu. The split occurred after Congress backed the Vijay-led TVK party in the state assembly elections. Angered by the move, the DMK has hit out at the Congress and requested separate seating arrangements in the Lok Sabha. With 22 MPs in the Lower House, the DMK’s issue-based support could help the BJP-led NDA move closer to the two-thirds majority required for key legislation, including the Delimitation Bill and the upcoming Presidential Election.
