കോഴിക്കോട്: മലയോര മേഖലകളിൽ പെയ്ത കനത്ത മഴയെത്തുടർന്നുണ്ടായ മലവെള്ളപ്പാച്ചിലിൽ വയനാട് തുരങ്കപാത പ്രദേശത്തേക്കുള്ള താൽക്കാലിക പാലം ഒലിച്ചുപോയി (Kozhikode heavy rain). മുത്തപ്പൻപുഴ അങ്ങാടിക്കു സമീപം നിർമ്മിച്ച പാലമാണ് ശക്തമായ കുത്തൊഴുക്കിൽ തകർന്നത്. തുരങ്ക പാതയുടെ നിർമ്മാണവുമായി ബന്ധപ്പെട്ട് റോഡ് പണി പുരോഗമിക്കുന്നതിനാലാണ് ഇവിടുത്തെ പഴയ പാലം പൊളിച്ച് പകരം താൽക്കാലിക സംവിധാനമൊരുക്കിയിരുന്നത്. എന്നാൽ വൈകിട്ടോടെ പ്രദേശത്ത് പെയ്ത തീവ്രമായ മഴ മലവെള്ളപ്പാച്ചിലിന് കാരണമാവുകയും പാലം പൂർണ്ണമായും ഒഴുക്കിക്കൊണ്ടുപോവുകയുമായിരുന്നു. പാലം തകർന്നതോടെ പ്രദേശത്തെ ഗതാഗതവും തടസ്സപ്പെട്ടിട്ടുണ്ട്.
Story Summary: A temporary bridge near Muthappanpuzha, leading to the Wayanad tunnel road project site, was washed away due to flash floods triggered by heavy evening rains. The temporary structure was built after demolishing the old bridge for road construction related to the tunnel project.
