തമിഴ്‌നാട് മന്ത്രിസഭാ വിപുലീകരണം: പുതുക്കിയ വകുപ്പുവിഭജന പട്ടിക പുറത്തുവിട്ടു; ആഭ്യന്തരം വിജയ്‌ക്ക് | Tamil Nadu Cabinet

ചെന്നൈ: തമിഴ്‌നാട്ടിൽ മുഖ്യമന്ത്രി സി. ജോസഫ് വിജയ്‌യുടെ നേതൃത്വത്തിലുള്ള ടി.വി.കെ സർക്കാർ അധികാരമേറ്റ ശേഷം നടത്തിയ ഒന്നാം മന്ത്രിസഭാ വിപുലീകരണത്തിന് പിന്നാലെ, മന്ത്രിമാരുടെ പുതുക്കിയ വകുപ്പുവിഭജന പട്ടിക രാജ്ഭവൻ ഔദ്യോഗികമായി പുറത്തിറക്കി. ഭരണതലപ്പത്തെ ഏറ്റവും നിർണ്ണായകമായ വകുപ്പുകൾ മുഖ്യമന്ത്രി വിജയ് തന്റെ കൈവശം നിലനിർത്തിയപ്പോൾ, സഖ്യകക്ഷിയായ കോൺഗ്രസിനും പുതിയ മന്ത്രിമാർക്കും വൻ പ്രാധാന്യമുള്ള വകുപ്പുകളാണ് ലഭിച്ചിരിക്കുന്നത്.(Tamil Nadu Cabinet, Tamil Nadu Governor Releases Revised Portfolio List Following CM Vijay Cabinet Expansion)

പൊതുഭരണം, ഐ.എ.എസ്, ഐ.പി.എസ്, ഐ.എഫ്.എസ്, ഹോം (ആഭ്യന്തരം), പോലീസ്, മുനിസിപ്പൽ അഡ്മിനിസ്‌ട്രേഷൻ, നഗര-കുടിവെള്ള വിതരണം, യുവജനക്ഷേമം തുടങ്ങിയ അതിപ്രധാന വകുപ്പുകൾ മുഖ്യമന്ത്രി വിജയ് തന്നെ കൈകാര്യം ചെയ്യും. നേരത്തെ മുഖ്യമന്ത്രിയുടെ പക്കലുണ്ടായിരുന്ന വനിതാ ക്ഷേമ വകുപ്പ് ഒഴിവാക്കിയപ്പോൾ, പകരം ദാരിദ്ര്യ നിർമ്മാർജ്ജനം, പ്രത്യേക പദ്ധതികൾ എന്നിവ അദ്ദേഹത്തിന്റെ വകുപ്പുകളിലേക്ക് പുതുതായി കൂട്ടിച്ചേർത്തു.

പുതിയ വകുപ്പുവിഭജനത്തിൽ ഏറ്റവും വലിയ അഴിച്ചുപണി നടന്നത് മുതിർന്ന നേതാവ് കെ.എ. സെങ്കോട്ടയ്യന്റെ കാര്യത്തിലാണ്. ആദ്യഘട്ടത്തിൽ സെങ്കോട്ടയ്യന് നൽകിയിരുന്ന ധനകാര്യ വകുപ്പ് പുതിയതായി മന്ത്രിസഭയിലേക്ക് എത്തിയ എൻ. മാരി വിൽസന് കൈമാറി. അത്യന്തം പ്രാധാന്യമുള്ള ധനകാര്യം, പെൻഷൻ, പ്ലാനിങ് ആൻഡ് ഡെവലപ്‌മെന്റ് വകുപ്പുകളാണ് മാരി വിൽസൻ കൈകാര്യം ചെയ്യുക. സെങ്കോട്ടയ്യനെ റവന്യൂ, ദുരന്തനിവാരണം, നിയമസഭാ വകുപ്പുകളുടെ ചുമതല നൽകിയാണ് പുതുക്കി നിശ്ചയിച്ചത്.

ആർ. നിർമ്മൽ കുമാറിന്റെ കൈവശമുണ്ടായിരുന്ന നിയമസഭാ വകുപ്പ് ഒഴിവാക്കിയാണ് അത് സെങ്കോട്ടയ്യന് നൽകിയത്. ദാരിദ്ര്യ നിർമ്മാർജ്ജന വകുപ്പ് മുഖ്യമന്ത്രിക്ക് കൈമാറിയതോടെ എൻ. ആനന്ദിന് റൂറൽ ഡെവലപ്‌മെന്റ്, പഞ്ചായത്ത് രാജ്, ജലസേചനം എന്നീ വകുപ്പുകൾ മാത്രമായി നിജപ്പെടുത്തി. തമിഴ്‌നാടിന്റെ ചരിത്രത്തിൽ ആദ്യമായി ആർട്ടിഫിഷ്യൽ ഇന്റലിജൻസിന് (AI – കൃത്രിമ ബുദ്ധി) മാത്രമായി പ്രത്യേക മന്ത്രാലയം രൂപീകരിച്ചു. വിവരസാങ്കേതികവിദ്യ (IT) വകുപ്പിനൊപ്പം പുതിയ എ.ഐ മന്ത്രാലയത്തിന്റെ ചുമതല കൂടി ആർ. കുമാറിന് നൽകി. സംസ്ഥാനത്തെ ഡിജിറ്റൽ വിപ്ലവത്തിന് വേഗം കൂട്ടാനാണ് ഈ നീക്കം.

59 വർഷത്തിന് ശേഷം ഭരണത്തിലെത്തിയ കോൺഗ്രസിന് സുപ്രധാന വകുപ്പുകൾ
നീണ്ട 59 വർഷത്തെ ഇടവേളയ്ക്ക് ശേഷം തമിഴ്‌നാട് ഭരണത്തിൽ പങ്കാളികളായ കോൺഗ്രസ് ജനപ്രതിനിധികൾക്ക് അതീവ പ്രാധാന്യമുള്ള വകുപ്പുകളാണ് മുഖ്യമന്ത്രി വിജയ് അനുവദിച്ചിരിക്കുന്നത്. എസ്. രാജേഷ് കുമാർ (കിള്ളിയൂർ എം.എ.ൽ.എ): ടൂറിസം, ടൂറിസം ഡെവലപ്‌മെന്റ് കോർപ്പറേഷൻ മന്ത്രി, പി. വിശ്വനാഥൻ (മേലൂർ എം.എ.ൽ.എ): ഉന്നതവിദ്യാഭ്യാസ വകുപ്പ് മന്ത്രി എന്നിങ്ങനെയാണിത്.

ശ്രീനാഥ്: ഫിഷറീസ് (മത്സ്യബന്ധന) വകുപ്പ്.

കമാലി എസ്.: മൃഗസംരക്ഷണ വകുപ്പ്.

സി. വിജയലക്ഷ്മി: ക്ഷീരവികസന വകുപ്പ്.

ആർ.വി. രഞ്ജിത് കുമാർ: വനം വകുപ്പ്.

വിനോദ്: കൃഷി, ഹോർട്ടികൾച്ചർ, കരിമ്പ് വികസനം.

രാജീവ്: പരിസ്ഥിതി, കാലാവസ്ഥാ വ്യതിയാനം.

ബി. രാജ്കുമാർ: ഹൗസിങ് ആൻഡ് അർബൻ ഡെവലപ്‌മെന്റ്, സി.എം.ഡി.എ (CMDA).

വി. ഗാന്ധിരാജ്: സഹകരണ വകുപ്പ്.

പി. മഥൻ രാജ്: റൂറൽ ഇൻഡസ്ട്രീസ് (കുടിൽ-ചെറുകിട വ്യവസായങ്ങൾ).

ജഗദീശ്വരി കെ.: സോഷ്യൽ വെൽഫെയർ (വനിതാ ക്ഷേമവും പോഷകാഹാര പദ്ധതിയും).

എം. വിജയ് ബാലാജി: കൈത്തറിയും ഖാദിയും.

ലോകേഷ് തമിഴ്സെൽവൻ ഡി.: വാണിജ്യ നികുതിയും രജിസ്‌ട്രേഷനും.

എ. വിജയ് തമിഴൻ പാർത്ഥിപൻ: ഗതാഗത വകുപ്പ്.

രമേഷ്: ഹിന്ദു റിലീജിയസ് ആൻഡ് ചാരിറ്റബിൾ എൻഡോവ്‌മെന്റ് (HR&CE).

കെ. തെന്നരശ്: പ്രവാസി തമിഴരുടെ ക്ഷേമം.

വി. സമ്പത്ത് കുമാർ: പിന്നാക്ക ക്ഷേമം.

ജെ. മുഹമ്മദ് ഫർവാസ്: തൊഴിൽ വകുപ്പ്.

ഡി. ശരത്കുമാർ: ഹ്യൂമൻ റിസോഴ്‌സ് മാനേജ്‌മെന്റ്.

കെ. വിഘ്നേഷ്: എക്‌സൈസ് മന്ത്രാലയം.

Story Summary

Following the cabinet expansion in Tamil Nadu, Raj Bhavan officially released the revised portfolio list for Chief Minister C Joseph Vijay’s cabinet. While CM Vijay retained key portfolios including Home, Mari Wilson was appointed as the new Finance Minister, shifting KA Sengottaiyan to Revenue, and important portfolios were allocated to allies Congress along with the introduction of a new AI ministry under R Kumar.