ന്യൂഡൽഹി: യൂണിയൻ പബ്ലിക് സർവീസ് കമ്മീഷൻ 2027 വർഷത്തേക്കുള്ള ഔദ്യോഗിക പരീക്ഷാ കലണ്ടർ പ്രസിദ്ധീകരിച്ചു. സിവിൽ സർവീസസ്, എൻഡിഎ, സിഡിഎസ്, എഞ്ചിനീയറിങ് സർവീസസ് ഉൾപ്പെടെയുള്ള പ്രധാന റിക്രൂട്ട്മെന്റ് പരീക്ഷകളുടെ തീയതികളാണ് കലണ്ടറിലുള്ളത്. പുതിയ ഷെഡ്യൂൾ പ്രകാരം 2027 ലെ സിവിൽ സർവീസസ് പ്രിലിമിനറി പരീക്ഷ മെയ് 23-ന് നടക്കും (UPSC Exam Calendar 2027).
സിവിൽ സർവീസസ് പരീക്ഷയ്ക്കായുള്ള ഔദ്യോഗിക വിജ്ഞാപനം 2027 ജനുവരി 13-ന് പുറപ്പെടുവിക്കും. ഫെബ്രുവരി 2 വരെ ഉദ്യോഗാർത്ഥികൾക്ക് അപേക്ഷകൾ സമർപ്പിക്കാം. ഇന്ത്യൻ ഫോറസ്റ്റ് സർവീസ് (മെയിൻ) പരീക്ഷ 2027 നവംബർ 21 മുതൽ ഏഴ് ദിവസങ്ങളിലായി നടക്കും. നാഷണൽ ഡിഫൻസ് അക്കാദമി (NDA I), കംബൈൻഡ് ഡിഫൻസ് സർവീസസ് (CDS I) പരീക്ഷകൾക്കായുള്ള വിജ്ഞാപനം 2026 ഡിസംബർ 2-ന് പുറത്തിറങ്ങും; ഇവയുടെ എഴുത്തുപരീക്ഷ 2027 ഏപ്രിൽ 11-നായിരിക്കും. എൻഡിഎ-2, സിഡിഎസ്-2 പരീക്ഷകളുടെ വിജ്ഞാപനം 2027 മെയ് 12-ന് വരികയും പരീക്ഷ സെപ്റ്റംബർ 19-ന് നടക്കുകയും ചെയ്യും. എഞ്ചിനീയറിങ് സർവീസസ് പ്രിലിംസ് പരീക്ഷ 2027 ജനുവരി 31-നും, കംബൈൻഡ് മെഡിക്കൽ സർവീസസ് പരീക്ഷ ജൂലൈ 18-നും നടക്കുമെന്ന് കലണ്ടറിൽ വ്യക്തമാക്കുന്നു.
Summary: The Union Public Service Commission (UPSC) has officially released its examination calendar for 2027, outlining the schedule for major recruitment exams such as Civil Services, NDA, CDS, and Engineering Services. According to the calendar, the Civil Services Examination (CSE) 2027 notification will be issued on January 13, 2027, with the application deadline set for February 2, 2027, and the Preliminary exam scheduled for May 23, 2027. Additionally, written exams for NDA-1 and CDS-1 are scheduled for April 11, 2027, helping candidates systematically plan their long-term preparation strategies.
