റോം: സോഷ്യൽ മീഡിയയിലെ ‘മെലോഡി’ മീമുകളും ട്രെൻഡുകളും ഔദ്യോഗിക നയതന്ത്രത്തിലേക്ക് പകർത്തി ഇന്ത്യൻ പ്രധാനമന്ത്രി നരേന്ദ്ര മോദിയും ഇറ്റാലിയൻ പ്രധാനമന്ത്രി ജോർജിയ മെലോനിയും ( PM Modi Gifts Meloni Melody). ഇറ്റലി സന്ദർശനത്തിനിടെ പ്രധാനമന്ത്രി മോദി തന്റെ ഇറ്റാലിയൻ കൗണ്ടർപാർട്ടിന് ഇന്ത്യക്കാരുടെ പ്രിയപ്പെട്ട ‘പാർലെയുടെ മെലഡി’ ടോഫികളുടെ പാക്കറ്റാണ് സമ്മാനമായി നൽകിയത്. ഇരുവരും ഒരുമിച്ച് മിഠായി പാക്കറ്റുമായി നിൽക്കുന്ന രസകരമായ വീഡിയോ ജോർജിയ മെലോനി തന്റെ സോഷ്യൽ മീഡിയ അക്കൗണ്ടുകളിലൂടെ പങ്കുവെച്ചു. “സമ്മാനത്തിന് നന്ദി” എന്ന കുറിപ്പോടെ പങ്കുവെച്ച വീഡിയോ നിമിഷങ്ങൾക്കകം ആഗോളതലത്തിൽ വൈറലാവുകയും ദശലക്ഷക്കണക്കിന് ആളുകൾ കാണുകയും ചെയ്തു.
Thank you for the gift pic.twitter.com/7ePxbJwPbA
— Giorgia Meloni (@GiorgiaMeloni) May 20, 2026
പ്രധാനമന്ത്രി മോദിയുടെയും ജോർജിയ മെലോനിയുടെയും പേരുകൾ ചേർത്താണ് സോഷ്യൽ മീഡിയ ‘മെലോഡി’ എന്ന ഹാഷ്ടാഗ് ട്രെൻഡ് സൃഷ്ടിച്ചത്. ഈ തമാശരൂപേണയുള്ള തരംഗത്തെ ഇരുനേതാക്കളും ഏറെ ചിരിയോടെയാണ് സ്വീകരിച്ചത്. എന്നാൽ ഈ സൗഹൃദത്തിനപ്പുറം ഇന്ത്യയും ഇറ്റലിയും തമ്മിലുള്ള തന്ത്രപരമായ പങ്കാളിത്തം വൻതോതിൽ ശക്തിപ്പെടുകയാണെന്ന് ഇരുനേതാക്കളും സംയുക്ത ലേഖനത്തിൽ വ്യക്തമാക്കി. 2029-ഓടെ ഇരുരാജ്യങ്ങളും തമ്മിലുള്ള ഉഭയകക്ഷി വ്യാപാരം 20 ബില്യൺ യൂറോയിലെത്തിക്കുകയാണ് ലക്ഷ്യം. പ്രതിരോധം, ക്ലീൻ ടെക്നോളജി, ബഹിരാകാശം തുടങ്ങിയ മേഖലകളിൽ ഇരുരാജ്യങ്ങളും സംയുക്ത ആക്ഷൻ പ്ലാൻ രൂപീകരിച്ചിട്ടുണ്ട്. റോമിലെത്തിയ മോദി മെലോനിക്കൊപ്പം ചരിത്രപ്രസിദ്ധമായ കൊളോസിയം സന്ദർശിക്കുകയും ഉഭയകക്ഷി ചർച്ചകൾ നടത്തുകയും ചെയ്തു.
Summary: During his official visit to Rome, Prime Minister Narendra Modi presented a packet of India’s popular Parle’s Melody toffee to Italian Prime Minister Giorgia Meloni, directly tapping into the viral ‘Melodi’ internet meme trend. Meloni shared the video of this light-hearted exchange on social media with the caption “Thank you for the gift,” showcasing the strong personal camaraderie between the two leaders.
