കൊച്ചി: സംസ്ഥാനത്ത് സ്വർണ്ണവിലയിൽ വൻ വർദ്ധനവ്. ഇന്ന് ഒറ്റയടിക്ക് ഒരു പവൻ സ്വർണ്ണത്തിന് 1120 രൂപയാണ് വർദ്ധിച്ചത്. ഇതോടെ വിപണിയിൽ 22 കാരറ്റ് ഒരു പവൻ സ്വർണ്ണത്തിന്റെ വില റെക്കോർഡ് നിരക്കായ 1,16,120 രൂപയായി ഉയർന്നു.(Gold Price Rates Hike In Kerala Today Record High One Sovereign One Lakh Sixteen Thousand)
പവനോടൊപ്പം ഗ്രാമിന്റെ വിലയിലും വലിയ വർദ്ധനവാണ് രേഖപ്പെടുത്തിയത്. ഒരു ഗ്രാം സ്വർണ്ണത്തിന് ഇന്ന് 140 രൂപ വർദ്ധിച്ച് 14,515 രൂപയിലെത്തി. വിവാഹ സീസൺ സജീവമായിരിക്കുന്ന പശ്ചാത്തലത്തിൽ സ്വർണ്ണവിലയിലുണ്ടാകുന്ന ഈ കുതിച്ചുകയറ്റം സാധാരണക്കാരായ ഉപഭോക്താക്കൾക്ക് വലിയ തിരിച്ചടിയാണ് നൽകുന്നത്.
അതേസമയം, സ്വർണ്ണവില കുതിച്ചുയരുമ്പോഴും സംസ്ഥാനത്ത് വെള്ളിയുടെ വിലയിൽ ഇന്ന് കുറവ് രേഖപ്പെടുത്തിയിട്ടുണ്ട്. ഒരു ഗ്രാം വെള്ളിയുടെ വിലയിൽ 5 രൂപയുടെ കുറവാണ് ഉണ്ടായത്. ഇതോടെ ഒരു ഗ്രാം വെള്ളിക്ക് 280 രൂപയായി. 10 ഗ്രാം വെള്ളി വാങ്ങാൻ 2800 രൂപ നൽകണം.
Story Summary
Gold prices in Kerala witnessed a massive surge today, increasing by ₹1120 per sovereign. The price of 22-carat gold reached a record high of ₹1,16,120 per sovereign, while silver prices saw a slight decline of ₹5 per gram.
