തിരുവനന്തപുരം: വി.ഡി. സതീശൻ മന്ത്രിസഭയിലെ ഏറ്റവും പ്രായം കുറഞ്ഞ യുവമന്ത്രി ഒ. ജെ. ജനീഷിന് അനുവദിച്ച മൻമോഹൻ ബംഗ്ലാവിനൊപ്പം അദ്ദേഹത്തിന് ലഭിച്ച ഔദ്യോഗിക കാറിന്റെ നമ്പറും ഇപ്പോൾ രാഷ്ട്രീയ കേന്ദ്രങ്ങളിൽ ചർച്ചയാവുകയാണ്. കളിമുറ്റത്ത് ഇതിഹാസങ്ങളായ സച്ചിൻ ടെണ്ടുൽക്കറും ലയണൽ മെസ്സിയും നെഞ്ചിലേറ്റിയ അതേ ‘പത്താം നമ്പർ’ തന്നെയാണ് ജനീഷിന്റെ ഔദ്യോഗിക വാഹനത്തിനും ലഭിച്ചിരിക്കുന്നത്.(Minister O J Janeesh State Car Number Ten Curiosities Kerala Cabinet 2026)
ഇതിനൊപ്പമുള്ള മറ്റൊരു വലിയ കൗതുകം ഇത്തവണ കൊടുങ്ങല്ലൂർ മണ്ഡലത്തിൽ നിന്നും ജനീഷ് നേടിയ ഭൂരിപക്ഷത്തിന്റെ കണക്കുകളിലാണ്. 8308 വോട്ടുകളുടെ ഭൂരിപക്ഷത്തിനാണ് ജനീഷ് നിയമസഭയിലേക്ക് തിരഞ്ഞെടുക്കപ്പെട്ടത്. ഈ നാല് അക്കങ്ങൾ കൂട്ടി നോക്കിയാലും ലഭിക്കുന്നത് ഇതേ ഭാഗ്യനമ്പറായ 10 തന്നെയാണ്. കഴിഞ്ഞ എൽ.ഡി.എഫ് സർക്കാരിലെ മന്ത്രിമാർ ഉപയോഗിച്ചിരുന്ന ടൂറിസം വകുപ്പിന്റെ വാഹനങ്ങൾ തന്നെയാണ് പുതിയ മന്ത്രിമാർക്കും പുനഃക്രമീകരിച്ചു നൽകിയിരിക്കുന്നത്. പുതിയ മുഖ്യമന്ത്രി വി.ഡി. സതീശന് അനുവദിച്ചിരിക്കുന്നത് കഴിഞ്ഞ സർക്കാരിൽ മന്ത്രിയായിരുന്ന വി.എൻ. വാസവൻ ഉപയോഗിച്ചിരുന്ന ഇന്നോവ ക്രിസ്റ്റ കാറാണ്. കഴിഞ്ഞ സർക്കാർ ഏറ്റവും ഒടുവിലായി വാങ്ങിയ വാഹനങ്ങളിൽ ഒന്നായിരുന്നു ഇത്.
മന്ത്രിമാരുടെ ഔദ്യോഗിക വാഹനങ്ങളുടെ ചരിത്രം പരിശോധിച്ചാൽ വലിയ മാറ്റങ്ങളാണ് കാലാകാലങ്ങളിൽ ഉണ്ടായിട്ടുള്ളത്. 2006 വരെ ബഹുഭൂരിപക്ഷം മന്ത്രിമാരും വെള്ള അംബാസഡർ കാറുകളായിരുന്നു ഉപയോഗിച്ചിരുന്നത്. എന്നാൽ 2004-ലെ ഉമ്മൻ ചാണ്ടി സർക്കാരിന്റെ കാലത്താണ് മന്ത്രിമാർ അംബാസഡറിന് പുറമെ മറ്റ് ആധുനിക കാറുകൾ ആവശ്യപ്പെടാൻ തുടങ്ങിയത്. പിന്നീട് ഇത് ടൊയോട്ട ഇന്നോവയിലേക്കും, 2016-ഓടെ ‘ഇന്നോവ ക്രിസ്റ്റ’യിലേക്കും വഴിമാറി. പുതിയ യു.ഡി.എഫ് സർക്കാർ അധികാരമേറ്റപ്പോൾ ഈ കറുത്ത വണ്ടികൾ ഒഴിവാക്കിയത് ശ്രദ്ധേയമായി.
Story Summary
The official car number and election majority of Kerala’s young minister O J Janeesh have triggered curiosity as both align with the legendary number 10. While Chief Minister V D Satheesan accepted a top-tier Innova Crysta, the previous government’s controversial black luxury cars were completely avoided.
