ജനീവ: ഡെമോക്രാറ്റിക് റിപ്പബ്ലിക് ഓഫ് കോംഗോയിലും അയൽരാജ്യമായ ഉഗാണ്ടയിലും എബോള വൈറസ് ബാധ അതിവേഗം പടരുന്ന സാഹചര്യത്തിൽ അടിയന്തര സമിതി യോഗം വിളിച്ച് ലോകാരോഗ്യ സംഘടന (Ebola Outbreak Congo). കോംഗോയിൽ ഇതുവരെ എബോള ലക്ഷണങ്ങളോടെ 131 മരണങ്ങളും 513 സംശയാസ്പദമായ കേസുകളും റിപ്പോർട്ട് ചെയ്തതായി ആരോഗ്യമന്ത്രി സാമുവൽ റോജർ കംബ അറിയിച്ചു. രോഗവ്യാപനത്തിന്റെ തീവ്രത കണക്കിലെടുത്ത് ലോകാരോഗ്യ സംഘടന ആഗോള ആരോഗ്യ അടിയന്തരാവസ്ഥ പ്രഖ്യാപിച്ചിട്ടുണ്ട്. രോഗബാധ ഉഗാണ്ടയിലേക്കും വ്യാപിച്ചതായാണ് റിപ്പോർട്ടുകൾ വ്യക്തമാക്കുന്നത്.
കഴിഞ്ഞ അരനൂറ്റാണ്ടിനിടെ ആഫ്രിക്കയിൽ പതിനയ്യായിരത്തിലധികം ആളുകളുടെ ജീവനെടുത്ത എബോളയുടെ ‘ബുന്ദിബുഗ്യോ’ എന്ന വകഭേദമാണ് ഇപ്പോൾ പടർന്നുപിടിക്കുന്നത്. ഈ പ്രത്യേക വകഭേദത്തിനെതിരെ നിലവിൽ അംഗീകൃത വാക്സിനുകളോ ഫലപ്രദമായ ചികിത്സയോ ലഭ്യമല്ല എന്നത് ആശങ്ക വർദ്ധിപ്പിക്കുന്നു. മൃഗങ്ങളിൽ നടത്തിയ പരീക്ഷണങ്ങളിൽ ഭാഗികമായി ഫലം കണ്ട ‘എർവെബോ’ (Ervebo) വാക്സിൻ ഈ ഘട്ടത്തിൽ ഉപയോഗിക്കാനാകുമോ എന്ന് അന്താരാഷ്ട്ര വിദഗ്ധർ പങ്കെടുക്കുന്ന യോഗം ചർച്ച ചെയ്യും. കോംഗോയിൽ സന്നദ്ധപ്രവർത്തനം നടത്തുന്നതിനിടെ എബോള സ്ഥിരീകരിച്ച ഒരു അമേരിക്കൻ പൗരനെ വിദഗ്ധ ചികിത്സയ്ക്കായി ജർമ്മനിയിലേക്ക് മാറ്റാൻ യുഎസ് ഭരണകൂടം സഹായം തേടിയിട്ടുണ്ട്. പ്രതിരോധ പ്രവർത്തനങ്ങൾക്കായി ആറ് ടൺ മെഡിക്കൽ സാമഗ്രികൾ ലോകാരോഗ്യ സംഘടന നിലവിൽ കോംഗോയിൽ എത്തിച്ചിട്ടുണ്ട്.
Summary: The World Health Organization (WHO) has convened an emergency committee meeting in Geneva following a sharp rise in Ebola casualties in the Democratic Republic of the Congo (DRC) and Uganda, with the death toll reaching 131 from 513 suspected cases. WHO Director-General Tedros Adhanom Ghebreyesus declared the outbreak a public health emergency of international concern due to its rapid cross-border spread from the epicenter in Ituri province.
