ഭോപ്പാൽ: മധ്യപ്രദേശ് പോലീസ് തങ്ങളുടെ സ്വൈര്യജീവിതം തകർക്കുകയാണെന്നും സമാധാനമായി ജീവിക്കാൻ അനുവദിക്കുന്നില്ലെന്നും ചൂണ്ടിക്കാട്ടി കുംഭമേളയിലെ വൈറൽ താരവും ഭർത്താവും കോടതിയിൽ. തങ്ങൾക്കെതിരെ മധ്യപ്രദേശിലെ മഹേശ്വർ പോലീസ് സ്റ്റേഷനിൽ രജിസ്റ്റർ ചെയ്തിരിക്കുന്ന കേസ് പൂർണ്ണമായും റദ്ദാക്കണമെന്ന് ആവശ്യപ്പെട്ട് ദമ്പതികൾ മധ്യപ്രദേശ് ഹൈക്കോടതിയെ സമീപിച്ചു.(Kumbh Mela Viral Star And Husband Approach Madhya Pradesh High Court To Quash Police Case)
ഔദ്യോഗിക രേഖകൾ സംബന്ധിച്ച് വലിയ ഗൂഢാലോചനയാണ് തങ്ങൾക്കെതിരെ നടക്കുന്നതെന്ന് ഹർജിയിൽ ഇവർ ആരോപിക്കുന്നു. തങ്ങളുടെ യഥാർത്ഥ ജനന സർട്ടിഫിക്കറ്റ് അധികൃതർ ഏകപക്ഷീയമായി റദ്ദാക്കിയെന്നും അതിന് പകരം വ്യാജ ജനന സർട്ടിഫിക്കറ്റ് നിർമ്മിച്ച് കേസിൽ ഉൾപ്പെടുത്താൻ ശ്രമിച്ചെന്നുമാണ് ദമ്പതികളുടെ പ്രധാന ആരോപണം.
റദ്ദാക്കിയ തങ്ങളുടെ യഥാർത്ഥ ജനന സർട്ടിഫിക്കറ്റ് അടിയന്തരമായി പുനഃസ്ഥാപിച്ചു നൽകാൻ കോടതി നിർദ്ദേശം നൽകണമെന്നും ഹർജിയിൽ ആവശ്യപ്പെട്ടിട്ടുണ്ട്. സർക്കാർ രേഖകൾ വ്യാജമായി ചമച്ച് കോടതിയിൽ സമർപ്പിച്ചതിന് പിന്നിൽ പ്രവർത്തിച്ച ഉദ്യോഗസ്ഥർക്കെതിരെ കർശന നടപടി വേണമെന്ന് ഹർജിയിൽ ദമ്പതികൾ ആവശ്യപ്പെടുന്നു.
Story Summary
The viral Kumbh Mela star and her husband have approached the Madhya Pradesh High Court seeking to quash a criminal case registered against them at the Maheshwar police station. In their petition, the couple alleged that the police are disrupting their peaceful life and urged a neutral probe into an official conspiracy involving forged birth certificates aimed at inciting communal tension.
