ഇടുക്കി: തെരഞ്ഞെടുപ്പിലേറ്റ കനത്ത തോൽവിയുടെ പശ്ചാത്തലത്തിൽ സി.പി.എം ഇടുക്കി ജില്ലാ സെക്രട്ടറിയേറ്റ് യോഗം ഇന്ന് ചേരും. സംസ്ഥാന വ്യാപകമായി നേരിട്ട വലിയ രാഷ്ട്രീയ തിരിച്ചടിക്കൊപ്പം, ഹൈറേഞ്ചിൽ പാർട്ടി കോട്ടകൾ തകർന്നടിയാനുണ്ടായ സാഹചര്യവും യോഗത്തിൽ ഗൗരവമായി ചർച്ച ചെയ്യും. (CPM Idukki District Secretariat Meeting Election Defeat Review MM Mani)
മുതിർന്ന നേതാവും മുൻ മന്ത്രിയുമായ എം.എം. മണിയെ ഇത്തവണ മത്സരിപ്പിക്കാത്തതിനെതിരെ പാർട്ടിയിലെ ഒരു വിഭാഗത്തിന് കടുത്ത അമർഷമുണ്ട്. ജനസ്വാധീനമുള്ള നേതാവിനെ മാറ്റിനിർത്തിയത് തിരിച്ചടിയായെന്നാണ് വിലയിരുത്തൽ. പകരം മത്സരരംഗത്തിറങ്ങിയ കെ.കെ. ജയചന്ദ്രന്റെ സ്ഥാനാർത്ഥിത്വം അണികൾക്കിടയിലും വോട്ടർമാർക്കിടയിലും ചലനമുണ്ടാക്കിയില്ലെന്ന വിമർശനവും ശക്തമാണ്.
കേന്ദ്ര കമ്മിറ്റി അംഗം പി. രാജീവ്, സംസ്ഥാന സെക്രട്ടറിയേറ്റ് അംഗം കെ.കെ. ജയചന്ദ്രൻ എന്നിവരുടെ സാന്നിധ്യത്തിലാണ് സെക്രട്ടറിയേറ്റ് യോഗം ചേരുന്നത്. ഇന്ന് നടക്കുന്ന സുപ്രധാന തീരുമാനങ്ങൾക്ക് പിന്നാലെ, ചൊവ്വ, ബുധൻ ദിവസങ്ങളിലായി സി.പി.എം ജില്ലാ കമ്മിറ്റി യോഗവും വിളിച്ചുചേർത്തിട്ടുണ്ട്. പ
Story Summary
The CPM Idukki District Secretariat is meeting today to review the party’s severe election defeat in the district. Internal rifts have intensified over the decision not to field MM Mani, with criticism mounting that KK Jayachandran’s candidacy backfired.
