തിരുവനന്തപുരം: കാലവർഷത്തിന്റെ വരവറിയിച്ചുകൊണ്ട് സംസ്ഥാനത്ത് കനത്ത മഴ തുടരുന്നു (Monsoon arrival Kerala). കേരളത്തിന്റെ വിവിധ ഭാഗങ്ങളിൽ കഴിഞ്ഞ ഏതാനും ദിവസങ്ങളായി പെയ്യുന്ന മഴ വരും ദിവസങ്ങളിലും ശക്തമായി തുടരുമെന്ന് കേന്ദ്ര കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി. പത്തനംതിട്ട, ആലപ്പുഴ ജില്ലകളിലെ ചില മലയോര-തീരദേശ മേഖലകളിൽ ഇന്ന് അതിശക്തമായ മഴയാണ് രേഖപ്പെടുത്തിയത്.
തിങ്കളാഴ്ച എട്ട് ജില്ലകളിൽ യെല്ലോ അലർട്ട്
തിങ്കളാഴ്ച (മേയ് 18) സംസ്ഥാനത്തെ എട്ട് ജില്ലകളിൽ കാലാവസ്ഥാ വകുപ്പ് യെല്ലോ അലർട്ട് (Yellow Alert) പ്രഖ്യാപിച്ചിട്ടുണ്ട്.
യെല്ലോ അലർട്ട് പ്രഖ്യാപിച്ച ജില്ലകൾ: പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂർ, പാലക്കാട്, മലപ്പുറം. (തിരുവനന്തപുരം, കൊല്ലം, കോഴിക്കോട്, വയനാട്, കണ്ണൂർ, കാസറഗോഡ് എന്നീ ജില്ലകളെ നിലവിൽ ഒഴുവാക്കിയിട്ടുണ്ട്).
ഈ ജില്ലകളിലെ ഒറ്റപ്പെട്ട പ്രദേശങ്ങളിൽ 24 മണിക്കൂറിൽ 7 മുതൽ 11 സെന്റീമീറ്റർ വരെയുള്ള ശക്തമായ മഴയ്ക്കാണ് സാധ്യത. തുടർച്ചയായി മഴ പെയ്യുന്ന സാഹചര്യത്തിൽ ഇവിടുത്തെ മലയോര മേഖലകളിൽ താമസിക്കുന്നവർ ഉരുൾപൊട്ടൽ, മണ്ണൊലിപ്പ് സാധ്യതകൾ മുൻനിർത്തി അതീവ ജാഗ്രത പാലിക്കണം.
ചൊവ്വാഴ്ച വടക്കൻ ജില്ലകളിൽ ജാഗ്രതാ നിർദ്ദേശം
ചൊവ്വാഴ്ച (മേയ് 19) മഴ വടക്കൻ കേരളത്തിലേക്ക് ശക്തമാകുമെന്നാണ് പ്രവചനം. ഇതിന്റെ അടിസ്ഥാനത്തിൽ ചൊവ്വാഴ്ച അഞ്ച് വടക്കൻ ജില്ലകളിൽ യെല്ലോ അലർട്ട് പ്രഖ്യാപിച്ചു.
ചൊവ്വാഴ്ച യെല്ലോ അലർട്ട് ഉള്ള ജില്ലകൾ: മലപ്പുറം, കോഴിക്കോട്, വയനാട്, കണ്ണൂർ, കാസറഗോഡ്.
മത്സ്യത്തൊഴിലാളികൾക്ക് വിലക്ക്
കേരള-കർണാടക തീരങ്ങളിലും ലക്ഷദ്വീപ് ഭാഗങ്ങളിലും കടൽ അതീവ പ്രക്ഷുബ്ധമാകാൻ സാധ്യതയുണ്ട്. ശക്തമായ കാറ്റിനും ഉയർന്ന തിരമാലകൾക്കും സാധ്യതയുള്ളതിനാൽ അടുത്ത 24 മണിക്കൂർ കൂടി ഈ തീരങ്ങളിൽ നിന്നും ആരും യാതൊരു കാരണവശാലും മത്സ്യബന്ധനത്തിന് പോകരുതെന്ന് കാലാവസ്ഥാ നിരീക്ഷണ കേന്ദ്രം കർശന നിർദ്ദേശം നൽകിയിട്ടുണ്ട്.
Story Summary: Heavy monsoon rains continue to lash Kerala, with the Meteorological Department predicting widespread rainfall in the coming days. A yellow alert has been issued for eight districts on Monday and five northern districts on Tuesday, alongside a strict ban on fishing due to rough sea conditions along the Kerala-Karnataka and Lakshadweep coasts.
