ഐ.പി.എൽ 2026: അർദ്ധസെഞ്ച്വറി ആഘോഷത്തിൽ ‘വിജയ് ഫീവർ’; തമിഴ്‌നാട് മുഖ്യമന്ത്രിക്ക് ട്രിബ്യൂട്ടുമായി വെങ്കിടേഷ് അയ്യർ | Venkatesh Iyer Half Century Celebration Mersal Pose

ധർമ്മശാല: ഐ.പി.എല്ലിൽ പഞ്ചാബ് കിങ്‌സിനെതിരെയുള്ള മത്സരത്തിലെ തകർപ്പൻ പ്രകടനത്തിന് പിന്നാലെ തമിഴ്‌നാട് മുഖ്യമന്ത്രിയും ജനപ്രിയ നടനുമായ ജോസഫ് വിജയ്ക്ക് പ്രത്യേക ട്രിബ്യൂട്ടുമായി റോയൽ ചലഞ്ചേഴ്സ് ബെംഗളൂരു താരം വെങ്കിടേഷ് അയ്യർ (Venkatesh Iyer Half Century Celebration Mersal Pose). മത്സരത്തിൽ വെടിക്കെട്ട് ബാറ്റിംഗിലൂടെ അർദ്ധസെഞ്ച്വറി പിന്നിട്ടതിന് ശേഷമായിരുന്നു വെങ്കിടേഷിന്റെ ഈ വേറിട്ട ആഘോഷം. വിജയുടെ സൂപ്പർഹിറ്റ് ചിത്രമായ ‘മെർസലി’ലെ പ്രശസ്തമായ ഒരു മാസ് പോസാണ് വെങ്കിടേഷ് അയ്യർ മൈതാനത്ത് അനുകരിച്ചത്. ഇതിന്റെ വീഡിയോ ദൃശ്യങ്ങൾ ഇതിനോടകം തന്നെ സോഷ്യൽ മീഡിയയിൽ തരംഗമായിക്കഴിഞ്ഞു.

പരിക്കേറ്റ രജത് പാട്ടിദാറിന് പകരക്കാരനായി നാലാം നമ്പറിലാണ് വെങ്കിടേഷ് അയ്യർ ഇന്ന് ക്രീസിലെത്തിയത്. പഞ്ചാബ് ബൗളർമാരെ നിലംതൊടാതെ പറത്തിയ താരം വെറും 40 പന്തിൽ നിന്ന് 8 ഫോറുകളുടെയും 4 സിക്സറുകളുടെയും അകമ്പടിയോടെ പുറത്താകാതെ 73 റൺസ് അടിച്ചുകൂട്ടി. വെങ്കിടേഷിന്റെ ഈ മാസ്മരിക ഇന്നിംഗ്സാണ് നിശ്ചിത 20 ഓവറിൽ ആർ.സി.ബിയുടെ സ്കോർ 222-ൽ എത്തിക്കുന്നതിൽ നിർണ്ണായകമായത്.

മത്സരത്തിൽ വിരാട് കോഹ്‌ലി (37 പന്തിൽ 58), ദേവ്ദത്ത് പടിക്കൽ (25 പന്തിൽ 45), ടിം ഡേവിഡ് (12 പന്തിൽ 28) എന്നിവരും ബെംഗളൂരുവിനായി മികച്ച പ്രകടനം പുറത്തെടുത്തു. കോഹ്‌ലിയും പടിക്കലും ചേർന്നുള്ള രണ്ടാം വിക്കറ്റിലെ 76 റൺസിന്റെ കൂട്ടുകെട്ടാണ് ആർ.സി.ബിക്ക് ശക്തമായ അടിത്തറയിട്ടത്. പ്ലേ ഓഫ് യോഗ്യത ഉറപ്പാക്കാൻ പഞ്ചാബിന് ഈ മത്സരത്തിൽ വിജയം അത്യാവശ്യമാണ്. എന്നാൽ ഈ മത്സരത്തിൽ വിജയിച്ചാൽ ആർ.സി.ബിക്ക് പ്ലേ ഓഫ് ബർത്ത് ഔദ്യോഗികമായി ഉറപ്പിക്കാനാകും.

Seizing the opportunity in style 👌

Updates ▶️ https://t.co/3u5qL0Zn75#TATAIPL | #KhelBindaas | #PBKSvRCB | @venkateshiyer pic.twitter.com/VMHmF39cr5

— IndianPremierLeague (@IPL) May 17, 2026

Summary: The “Vijay Fever” caught up with IPL 2026 as RCB star Venkatesh Iyer paid a special tribute to Tamil Nadu Chief Minister and iconic actor Vijay during the match against Punjab Kings. Stepping in at No. 4 for the injured Rajat Patidar, Venkatesh smashed an unbeaten 73 off 40 balls. Upon reaching his half-century, he replicated Vijay’s famous signature pose from the blockbuster movie Mersal, a gesture that quickly went viral online. Supported by Virat Kohli’s 58 and Devdutt Padikkal’s 45, RCB posted a commanding total of 222/4.