ന്യൂഡൽഹി: അഫ്ഗാനിസ്ഥാൻ ദേശീയ ക്രിക്കറ്റ് താരം റഹ്മത് ഷാ അന്തരിച്ചെന്ന രീതിയിൽ സോഷ്യൽ മീഡിയയിൽ പ്രചരിച്ച വാർത്തകൾ പൂർണ്ണമായും വ്യാജമാണെന്ന് സ്ഥിരീകരിച്ചു. ഇൻസ്റ്റഗ്രാമിൽ പങ്കുവെച്ച ഒരു അനുശോചന കുറിപ്പ് ഇൻസ്റ്റഗ്രാം തെറ്റായി വിവർത്തനം ചെയ്തതാണ് ക്രിക്കറ്റ് പ്രേമികൾക്കിടയിൽ വലിയ പരിഭ്രാന്തിക്കും ആശയക്കുഴപ്പത്തിനും കാരണമായത്. റഹ്മത് ഷായുടെ അമ്മയുടെ വിയോഗത്തിൽ അനുശോചനം രേഖപ്പെടുത്തി പഷ്തോ ഭാഷയിൽ എഴുതിയ കുറിപ്പാണ് ഇൻസ്റ്റഗ്രാമിന്റെ ഓട്ടോമേറ്റഡ് ഫീച്ചർ കാരണം താരം മരിച്ചെന്ന രീതിയിലേക്ക് മാറിമറിഞ്ഞത്.(Afghanistan cricketer Rahmat Shah death rumor due to Instagram mistranslation error)
റഹ്മത് ഷായുടെ ചിത്രത്തോടൊപ്പം പഷ്തോ ഭാഷയിലാണ് കുറിപ്പ് പങ്കുവെച്ചിരുന്നത്. എന്നാൽ ഇതിന്റെ ഇൻസ്റ്റഗ്രാം ഇംഗ്ലീഷ് പരിഭാഷ വന്നപ്പോൾ, വായിക്കുന്ന രീതി മാറി. ഇത് കണ്ട് ഞെട്ടിയ ക്രിക്കറ്റ് ആരാധകർ റഹ്മത് ഷായ്ക്ക് ആദരാഞ്ജലികൾ അർപ്പിച്ചു കൊണ്ട് പോസ്റ്റുകൾ പങ്കുവെക്കാൻ തുടങ്ങിയതോടെയാണ് സംഭവം വിവാദമായത്. താരത്തിന്റെ അമ്മ അന്തരിച്ചതിനെത്തുടർന്ന് ഇട്ട യഥാർത്ഥ പഷ്തോ കുറിപ്പാണ് വിവാദമായത്.
അഫ്ഗാനിസ്ഥാൻ ടീമിന്റെ ഏറ്റവും പരിചയസമ്പന്നനായ ബാറ്റർമാരിൽ ഒരാളായ റഹ്മത് ഷാ, രാജ്യത്തിനായി 11 ടെസ്റ്റുകളിലും 125 ഏകദിനങ്ങളിലും ഒരു ടി20 മത്സരത്തിലും പാഡണിഞ്ഞിട്ടുണ്ട്. അന്താരാഷ്ട്ര കരിയറിൽ 5,000-ത്തിലധികം റൺസ് നേടിയിട്ടുള്ള താരം, കഴിഞ്ഞ ഒക്ടോബറിൽ ബംഗ്ലാദേശിനെതിരെ നടന്ന ഏകദിന മത്സരത്തിലാണ് അവസാനമായി അഫ്ഗാൻ ജേഴ്സിയിൽ കളത്തിലിറങ്ങിയത്.
Story Summary
A widespread death rumor surrounding Afghanistan batter Rahmat Shah triggered panic among cricket fans due to a major mistranslation glitch on Instagram. All-rounder Karim Janat had posted a condolence message in Pashto for the demise of Rahmat Shah’s mother, but Instagram’s automated translation incorrectly stated that the cricketer himself had passed away.
