ന്യൂഡൽഹി: ഭീകരവാദത്തെ പ്രോത്സാഹിപ്പിക്കുന്ന നിലപാട് പാകിസ്താൻ തുടരുകയാണെങ്കിൽ അവർ ചരിത്രത്തിന്റെ ഭാഗമാകണോ അതോ ഭൂമിശാസ്ത്രത്തിന്റെ ഭാഗമായി തുടരണമോ എന്ന് സ്വയം തീരുമാനിക്കേണ്ടി വരുമെന്ന കടുത്ത മുന്നറിയിപ്പുമായി ഇന്ത്യൻ കരസേനാ മേധാവി ജനറൽ ഉപേന്ദ്ര ദ്വിവേദി. (Army Chief General Upendra Dwivedi Pakistan Warning)
ഡൽഹിയിലെ മനേക്ഷാ സെന്ററിൽ ‘യൂണിഫോം അൺവെയ്ൽഡ്’ സംഘടിപ്പിച്ച ‘സേനാ സംവാദ്’ എന്ന പരിപാടിയിൽ സംസാരിക്കുകയായിരുന്നു അദ്ദേഹം. കഴിഞ്ഞ വർഷം ഇരുരാജ്യങ്ങളും തമ്മിൽ നടന്ന സൈനിക സംഘർഷമായ ‘ഓപ്പറേഷൻ സിന്ദൂർ’ പോലുള്ള സാഹചര്യം വീണ്ടും ഉണ്ടായാൽ ഇന്ത്യൻ സൈന്യത്തിന്റെ പ്രതികരണം എന്തായിരിക്കുമെന്ന ചോദ്യത്തിനാണ് അദ്ദേഹം ഈ ശക്തമായ മറുപടി നൽകിയത്.
കഴിഞ്ഞ വർഷം മെയ് മാസത്തിൽ ഉണ്ടായ പഹൽഗാം ഭീകരാക്രമണത്തിന് തിരിച്ചടിയായാണ് ഇന്ത്യൻ സൈന്യം പാകിസ്താനിലെയും പാക് അധീന കശ്മീരിലെയും ഭീകരകേന്ദ്രങ്ങൾക്ക് നേരെ അതിമാരകമായ വ്യോമാക്രമണം നടത്തിയത്. തുടർന്ന് ഇരു ആണവായുധ രാജ്യങ്ങളും തമ്മിൽ 88 മണിക്കൂറോളം നീണ്ടുനിന്ന കടുത്ത സൈനിക സംഘർഷമാണ് ‘ഓപ്പറേഷൻ സിന്ദൂർ’ എന്ന പേരിൽ അറിയപ്പെടുന്നത്. ഈ ചരിത്രപരമായ സൈനിക നീക്കത്തിന്റെ ഒന്നാം വാർഷികം രാജ്യം ആചരിക്കുന്ന വേളയിലാണ് പാകിസ്താന്റെ ഭീകരവാദ നിലപാടുകൾക്കെതിരെ കടുത്ത ഭാഷയിലുള്ള കരസേനാ മേധാവിയുടെ ഈ മുന്നറിയിപ്പ് പുറത്തുവരുന്നത്. ഭീകരവാദത്തിനെതിരെയുള്ള ഇന്ത്യയുടെ ശക്തമായ നിലപാട് ആവർത്തിക്കുന്നതായിരുന്നു അദ്ദേഹത്തിന്റെ വാക്കുകൾ.
Summary: In a stern military warning to Islamabad, Indian Army Chief General Upendra Dwivedi stated on Saturday that if Pakistan continues to harbour terrorists and operate against India, it must “decide whether they want to be part of geography or history.” Speaking at an interactive session in Delhi, his blunt remarks coincided with the first anniversary of ‘Operation Sindoor’, the intense 88-hour military conflict triggered last year by the Pahalgam terror attack, which saw India launch precision strikes on terror infrastructure across the border.
