കോഴിക്കോട്: പേരാമ്പ്ര ചെറുവണ്ണൂർ ഗ്രാമപഞ്ചായത്തിലെ കക്കറമുക്ക് റോഡിൽ ഓടിക്കൊണ്ടിരുന്ന കാറിന് തീപിടിച്ച് ആറ് മാസം ഗർഭിണിയായ യുവതി വെന്തുമരിച്ച സംഭവത്തിന്റെ ഞെട്ടലിലാണ് നാട്ടുകാർ. കക്കറമുക്ക് സ്വദേശി റിജിൻ ലാലിന്റെ ഭാര്യ സോന (24) ആണ് ദാരുണമായ അപകടത്തിൽ മരണപ്പെട്ടത്. കാറോടിച്ചിരുന്ന ഭർത്താവ് റിജിൻ ലാൽ 60 ശതമാനത്തിലധികം പൊള്ളലേറ്റ് ചികിത്സയിൽ തുടരുകയാണ്.(Perambra Car Fire Accident, Moving Car Fire Incident Pregnant Woman Sona Dies)
ആറ് മാസം ഗർഭിണിയായ സോനയുമായി ആശുപത്രിയിൽ പോയി വീട്ടിലേക്ക് മടങ്ങുന്നതിനിടയിലാണ് രാത്രി 9.15-ഓടെ നാടിനെ നടുക്കിയ ദുരന്തം സംഭവിച്ചത്. സ്വന്തം വീട്ടിലേക്ക് എത്തിച്ചേരാൻ വെറും അഞ്ച് മിനിറ്റ് മാത്രം ബാക്കിനിൽക്കെയാണ് ഇവർ സഞ്ചരിച്ചിരുന്ന കാറിൽ നിന്നും പെട്ടെന്ന് തീയും പുകയും ഉയർന്നത്.
ഗൾഫിൽ ജോലിയുള്ള റിജിൻ ലാൽ രണ്ട് മാസം മുൻപാണ് നാട്ടിലെത്തിയത്. രണ്ട് ദിവസത്തിന് ശേഷം തിരികെ വിദേശത്തേക്ക് പോകാൻ തയ്യാറെടുപ്പുകൾ നടത്തുന്നതിനിടയിലാണ് കുടുംബത്തെ തകർത്ത വൻ ദുരന്തം വിരുന്നെത്തിയത്. ബക്കറ്റുകളിൽ വെള്ളം കോരിയൊഴിച്ചാണ് തീയണയ്ക്കാൻ ശ്രമിച്ചത്.
Story Summary
A tragic car fire in Perambra, Kozhikode, claimed the life of a six-month pregnant woman, Sona, while her husband, Rijin Lal, sustained 60% burns. The accident occurred just five minutes away from their home as they were returning from a hospital visit, with a suspected short circuit causing the sudden blaze.
