കൊച്ചി: കാസാബ്ലാങ്കാ ഫിലിം ഫാക്ടറിയുടെ ഏറ്റവും പുതിയ റിലീസായ കന്നഡ സൈക്കോളജിക്കൽ സസ്പെൻസ് ത്രില്ലർ ചിത്രം ‘യദ്ഭവം തദ്ഭവതി’ (Yadhabhavം Tadhabhavathi) ഹംഗാമ ഒടിടി പ്ലാറ്റ്ഫോമിൽ നേരിട്ടുള്ള (Direct OTT) റിലീസായി പ്രദർശനം ആരംഭിച്ചു (Yadbhavam Tadbhavathi OTT Release). മിസ്റ്ററി, സൈക്കോളജിക്കൽ ഹൊറർ, സൂപ്പർനാച്ചുറൽ ഘടകങ്ങൾ എന്നിവ കോർത്തിണക്കിയാണ് ചിത്രം ഒരുക്കിയിരിക്കുന്നത്.
ബ്രഹ്മഹ സിനിമാഹോളിക് ഡിജിറ്റൽ സ്റ്റുഡിയോസിന്റെ ബാനറിൽ അമിത് റാവോയാണ് ചിത്രം സംവിധാനം ചെയ്തതും പ്രധാന കഥാപാത്രത്തെ അവതരിപ്പിച്ചതും. പ്രമുഖ മലയാളി സംവിധായകൻ നിർമൽ ബേബി വർഗീസിന്റെ ഉടമസ്ഥതയിലുള്ള ‘കാസാബ്ലാങ്കാ ഫിലിം ഫാക്ടറി’യാണ് ചിത്രത്തിന്റെ ഡിജിറ്റൽ വിതരണ ചുമതല നിർവ്വഹിക്കുന്നത്.
കഠിനാധ്വാനം ചെയ്യാതെ ചെറിയ മോഷണങ്ങളിലൂടെ ജീവിക്കുന്ന ഒരാളുടെ കഥയാണ് ചിത്രം പറയുന്നത്. ഒരു ദിവസം വലിയൊരു മോഷണം ലക്ഷ്യമിട്ട് ഇയാൾ വിജനമായ ഒരു ഫാം ഹൗസിൽ അതിക്രമിച്ചു കയറുന്നു. എന്നാൽ പിന്നീട് അവിടെനിന്ന് പുറത്തുകടക്കാനാകാതെ കുടുങ്ങിപ്പോകുന്നതും, തുടർന്ന് ആ വീട്ടിൽ അയാൾ നേരിടേണ്ടി വരുന്ന അതീന്ദ്രിയവും ദുരൂഹവുമായ സംഭവങ്ങളുമാണ് ചിത്രത്തിന്റെ പ്രമേയം.
ഹൊറർ, സസ്പെൻസ് ചിത്രങ്ങൾ ഇഷ്ടപ്പെടുന്ന പ്രേക്ഷകർക്ക് തികച്ചും വ്യത്യസ്തവും ത്രസിപ്പിക്കുന്നതുമായ ഒരു സിനിമാറ്റിക് അനുഭവം സമ്മാനിക്കാൻ ഈ ചിത്രത്തിന് സാധിക്കുമെന്നാണ് അണിയറപ്രവർത്തകർ അവകാശപ്പെടുന്നത്.
News Summary: The Kannada psychological suspense thriller ‘Yadhabhavm Tadhabhavathi’ has officially premiered as a direct-to-OTT release on Hungama Play. Directed, produced, and starred by Amit Rao under the banner of Brahmaha Cinemaholic Digital Studios, the film blends elements of mystery, psychological horror, and supernatural suspense. Well-known filmmaker Nirmal Baby Varghese’s Casablanca Film Factory handles the digital distribution. The story follows a petty thief who gets trapped in an isolated farmhouse during a heist, only to confront terrifying and mysterious forces.
