ജോഹന്നാസ്ബെർഗ്: ദക്ഷിണാഫ്രിക്കൻ പ്രസിഡന്റ് സിറിൽ രാമഫോസയ്ക്കെതിരെ ‘ഫാംഗേറ്റ്’ അഴിമതിയുമായി ബന്ധപ്പെട്ട് ഇംപീച്ച്മെന്റ് നടപടികൾ ആരംഭിക്കാൻ പാർലമെന്റ് തീരുമാനിച്ചു (Cyril Ramaphosa Impeachment). പ്രസിഡന്റിനെതിരെ അന്വേഷണം നടത്താൻ പ്രത്യേക ഇംപീച്ച്മെന്റ് കമ്മിറ്റി രൂപീകരിക്കുമെന്ന് പാർലമെന്റ് സ്പീക്കർ അറിയിച്ചു.
എന്താണ് ഫാംഗേറ്റ് വിവാദം?
2020-ൽ രാമഫോസയുടെ ഉടമസ്ഥതയിലുള്ള ‘ഫാല ഫാല’ ഫാമിൽ നിന്ന് ഏകദേശം 4 മില്യൺ ഡോളർ (വിദേശ കറൻസി) മോഷ്ടിക്കപ്പെട്ടു. ഈ പണം ഒരു സോഫയ്ക്കുള്ളിൽ ഒളിപ്പിച്ച നിലയിലായിരുന്നു. ഇത്രയും വലിയ തുക എങ്ങനെ ലഭിച്ചു, എന്തുകൊണ്ട് ഇത് ബാങ്കിൽ നിക്ഷേപിക്കാതെ സോഫയിൽ ഒളിപ്പിച്ചു, ഈ പണത്തെക്കുറിച്ച് അദ്ദേഹം അധികൃതരെ അറിയിച്ചിരുന്നോ തുടങ്ങിയ ചോദ്യങ്ങളാണ് ഉയർന്നത്. നാല് വർഷം മുമ്പ് പാർലമെന്റ് ഈ കേസിൽ അന്വേഷണം തടഞ്ഞിരുന്നു. എന്നാൽ ഈ നടപടി ഭരണഘടനാ വിരുദ്ധമാണെന്ന് ദക്ഷിണാഫ്രിക്കയിലെ പരമോന്നത കോടതി കഴിഞ്ഞ ആഴ്ച വിധിച്ചതോടെയാണ് ഇംപീച്ച്മെന്റ് നടപടികൾക്ക് വീണ്ടും ജീവൻ വെച്ചത്.
താൻ ഒരു തെറ്റും ചെയ്തിട്ടില്ലെന്ന് രാമഫോസ ആവർത്തിച്ചു. അധികാരത്തിൽ നിന്ന് രാജിവെക്കില്ലെന്നും തന്നെ കുറ്റക്കാരനാക്കിയ സ്വതന്ത്ര പാനലിന്റെ റിപ്പോർട്ടിനെ നിയമപരമായി നേരിടുമെന്നും അദ്ദേഹം വ്യക്തമാക്കി. പ്രസിഡന്റിന്റെ പാർട്ടിയായ ആഫ്രിക്കൻ നാഷണൽ കോൺഗ്രസ് (ANC) വിഷയം ചർച്ച ചെയ്യാൻ ചൊവ്വാഴ്ച നിർണ്ണായക യോഗം ചേരും. പ്രതിപക്ഷ പാർട്ടികളായ EFF, ATM എന്നിവർ പ്രസിഡന്റ് രാജിവെക്കണമെന്ന് ആവശ്യപ്പെട്ട് രംഗത്തുണ്ട്. എന്നാൽ പാർലമെന്റിൽ പ്രസിഡന്റിനെ പുറത്താക്കാൻ മൂന്നിൽ രണ്ട് ഭൂരിപക്ഷം വേണമെന്നിരിക്കെ, ANC-യുടെ പിന്തുണയോടെ രാമഫോസയ്ക്ക് തൽക്കാലം അധികാരം നിലനിർത്താൻ കഴിഞ്ഞേക്കും.
Summary: South Africa’s parliament is set to establish an impeachment committee to probe President Cyril Ramaphosa over the “Farmgate” scandal involving $4m hidden in a sofa. The move follows a Constitutional Court ruling that revived the proceedings. Despite growing calls for resignation from the opposition, Ramaphosa has denied wrongdoing and stated he will legally challenge the findings.
