കൊല്ലം: പാലരുവി എക്സ്പ്രസിൽ തമിഴ്നാട് സ്വദേശിനിയായ ആറുവയസ്സുകാരിയെ പീഡിപ്പിച്ച കേസിൽ കൊല്ലം ആയത്തിൽ സ്വദേശി സാനിഷ് (40) റെയിൽവേ പോലീസിന്റെ പിടിയിലായി ( Child Abuse Train Kerala). കഴിഞ്ഞ ദിവസം പുലർച്ചെയായിരുന്നു ട്രെയിൻ യാത്രക്കാരെ നടുക്കിയ സംഭവം.
ട്രെയിനിലെ ജനറൽ കമ്പാർട്ട്മെന്റിൽ മുത്തച്ഛനോടൊപ്പം തറയിൽ ഉറങ്ങിക്കിടക്കുകയായിരുന്ന കുട്ടിയിയെ പ്രതി തന്ത്രപൂർവ്വം മറ്റൊരു കമ്പാർട്ട്മെന്റിലേക്ക് മാറ്റിയാണ് ഉപദ്രവിച്ചത്.
പ്രതി കുട്ടിയെ ഉപദ്രവിക്കുന്നത് കണ്ട തൊട്ടടുത്ത സീറ്റിലെ യാത്രക്കാരി ഉടൻ തന്നെ ദൃശ്യങ്ങൾ മൊബൈലിൽ പകർത്തി. തുടർന്ന് ഇവർ പോലീസിനെ വിവരമറിയിച്ചതോടെയാണ് പ്രതിയെ കയ്യോടെ പിടികൂടാനായത്. പിടിയിലായ സാനിഷ് മുൻപും വധശ്രമം ഉൾപ്പെടെയുള്ള നിരവധി ക്രിമിനൽ കേസുകളിൽ പ്രതിയാണെന്ന് പോലീസ് അറിയിച്ചു.
പ്രതിക്കെതിരെ പോക്സോ ഉൾപ്പെടെയുള്ള വകുപ്പുകൾ ചുമത്തി കേസെടുത്തു. കുട്ടിയെ വൈദ്യപരിശോധനയ്ക്ക് വിധേയയാക്കി. അതിക്രമം തടയാനും തെളിവ് ശേഖരിക്കാനും മുൻകൈ എടുത്ത യാത്രക്കാരിയെ പോലീസ് അഭിനന്ദിച്ചു.
Story Summary: A 40-year-old man named Sanish from Ayathil, Kollam, was arrested for sexually assaulting a 6-year-old Tamil Nadu native aboard the Palaruvi Express. The incident occurred in the early hours while the child was sleeping on the floor with her grandfather. A fellow passenger witnessed the act, filmed it as evidence, and alerted the police, leading to the suspect’s arrest. Sanish is a habitual offender with prior involvements in several criminal cases, including attempt to murder.
