വാഷിംഗ്ടൺ: പേർഷ്യൻ കടലിടുക്കിന് മുകളിൽ വെച്ച് യുഎസ് വ്യോമസേനയുടെ ഇന്ധന വിമാനമായ KC-135 സ്ട്രാറ്റോടാങ്കർ അടിയന്തര സന്ദേശം (7700 Distress Signal) അയച്ചു. യുണൈറ്റഡ് അറബ് എമിറേറ്റ്സിലെ അൽ ദാഫ്ര എയർ ബേസിൽ നിന്ന് പറന്നുയർന്ന വിമാനം ഇറാൻ തീരത്തിന് സമീപം വെച്ചാണ് അപകടനിലയിലായത്. തുടർന്ന് ഖത്തറിന് മുകളിൽ വെച്ച് വിമാനവുമായുള്ള റഡാർ ബന്ധം നഷ്ടപ്പെട്ടതായും ഫ്ലൈറ്റ് ട്രാക്കിംഗ് ഡാറ്റ വ്യക്തമാക്കുന്നു.(US Military KC 135 Stratotanker Emergency Persian Gulf Qatar Flight Signal Missing)
വിമാനത്തിനുള്ളിലെ ഗുരുതരമായ സാങ്കേതിക തകരാറോ മറ്റ് അടിയന്തര സാഹചര്യങ്ങളോ സൂചിപ്പിക്കാനാണ് പൈലറ്റ് ‘7700’ എന്ന അന്താരാഷ്ട്ര ഡിസ്ട്രസ് കോഡ് അയച്ചത്. സന്ദേശം അയച്ചതിന് പിന്നാലെ വിമാനം ആകാശത്ത് വട്ടം ചുറ്റിയതായും പിന്നീട് പെട്ടെന്ന് താഴേക്ക് പതിച്ചതായും റഡാർ രേഖകൾ സൂചിപ്പിക്കുന്നു. എന്നാൽ വിമാനം തകർന്നു വീണോ അതോ സുരക്ഷിതമായി ലാൻഡ് ചെയ്തോ എന്ന കാര്യത്തിൽ ഔദ്യോഗിക സ്ഥിരീകരണമില്ല.
ഇസ്രായേൽ-ഇറാൻ യുദ്ധം നിലനിൽക്കുന്ന പശ്ചാത്തലത്തിൽ വിമാനം ആക്രമിക്കപ്പെട്ടതാണോ എന്ന സംശയം ഉയരുന്നുണ്ട്. കഴിഞ്ഞ മാർച്ചിൽ ഇറാഖിൽ വെച്ച് സമാനമായ ഒരു വിമാനം തകർന്ന് ആറ് സൈനികർ കൊല്ലപ്പെട്ടിരുന്നു. അന്നത്തെ ആക്രമണത്തിന്റെ ഉത്തരവാദിത്തം ഇറാൻ അനുകൂല സായുധ സംഘമായ ‘ഇസ്ലാമിക് റെസിസ്റ്റൻസ് ഇൻ ഇറാഖ്’ ഏറ്റെടുത്തിരുന്നു.
അമേരിക്കൻ സൈന്യത്തിന്റെ പടനീക്കങ്ങളിൽ ഏറ്റവും നിർണ്ണായക പങ്കുവഹിക്കുന്ന വിമാനമാണിത്. യുദ്ധവിമാനങ്ങൾക്കും ബോംബറുകൾക്കും ആകാശത്ത് വെച്ച് തന്നെ ഇന്ധനം നിറയ്ക്കാൻ സഹായിക്കുന്നതിനാലാണ് ഇതിനെ ‘ഫ്ലയിംഗ് ഗ്യാസ് സ്റ്റേഷൻ’ എന്ന് വിളിക്കുന്നത്. ചരക്കുനീക്കത്തിനും പരിക്കേറ്റ സൈനികരെ കൊണ്ടുപോകുന്ന എയർ ആംബുലൻസായും ഇത് പ്രവർത്തിക്കാറുണ്ട്.
Story Summary
A US KC-135 Stratotanker refueling aircraft declared a mid-air emergency near the Iranian coast before disappearing from radar screens over Qatar. Amid rising tensions, it remains unclear whether the incident resulted from technical failure or hostile action, especially following a similar loss in March 2026.
