നെടുങ്കണ്ടം: ഇടുക്കി രാഷ്ട്രീയത്തിലെ പെരുംകോട്ടയായ ഉടുമ്പൻചോലയിൽ ചെങ്കൊടി താഴ്ത്തി സേനാപതി വേണു. യുഡിഎഫ് സ്ഥാനാർത്ഥിയായി മത്സരിച്ച സേനാപതി വേണു 20,021 വോട്ടുകളുടെ മികച്ച ഭൂരിപക്ഷത്തോടെയാണ് നിയമസഭയിലേക്ക് തിരഞ്ഞെടുക്കപ്പെട്ടത്. എൽഡിഎഫ് സ്ഥാനാർത്ഥിയായി രംഗത്തിറങ്ങിയ മുതിർന്ന നേതാവ് കെ.കെ. ജയചന്ദ്രന് മണ്ഡലം നിലനിർത്താനായില്ല.(Senapathy Venu Victory Udumbanchola, Kerala Election Results 2026 Idukki)
സേനാപതി വേണു (യുഡിഎഫ്): 64,916, കെ.കെ. ജയചന്ദ്രൻ (എൽഡിഎഫ്): 44,895 എന്നിങ്ങനെയാണ് നില. 2021-ൽ എം.എം. മണി 38,000-ത്തിലധികം വോട്ടുകളുടെ ഭൂരിപക്ഷത്തിൽ വിജയിച്ച മണ്ഡലത്തിലാണ് ഈ അവിശ്വസനീയമായ മാറ്റം സംഭവിച്ചത്. തോട്ടം തൊഴിലാളികളും കുടിയേറ്റ കർഷകരും നിർണ്ണായകമായ ഉടുമ്പൻചോലയിൽ, ഇടതുപക്ഷത്തിന്റെ പതനം പൂർണ്ണമാകുന്ന കാഴ്ചയാണ് കണ്ടത്.
ദീർഘകാലമായുള്ള പട്ടയ പ്രശ്നം, വന്യജീവി ശല്യം, കാർഷിക ഉൽപ്പന്നങ്ങളുടെ വിലയിടിവ് എന്നിവയോടുള്ള ജനങ്ങളുടെ പ്രതിഷേധം വോട്ടായി മാറിയപ്പോൾ അത് സേനാപതി വേണുവിന് തുണയായി.
Story Summary
In a major political upset, UDF candidate Senapathy Venu captured the LDF stronghold of Udumbanchola with a majority of 20,021 votes. Defeating LDF’s K.K. Jayachandran, Venu’s victory marks a significant shift in a constituency previously dominated by CPM veteran M.M. Mani.
