കൊല്ലം: കുണ്ടറ വെള്ളിമണ്ണിൽ കിണർ നിർമ്മാണത്തിനിടെയുണ്ടായ മണ്ണിടിച്ചിലിൽ ഉള്ളിൽപ്പെട്ട തൊഴിലാളിയെ അത്ഭുതകരമായി രക്ഷപ്പെടുത്തി. കണ്ണനല്ലൂർ സ്വദേശി ദാവൂദാണ് അപകടത്തിൽപ്പെട്ടത്. 120 അടി താഴ്ചയുള്ള കിണറിലായിരുന്നു അപകടം.(Accident during well construction in Kollam, Fire force rescues worker trapped 120 feet deep)
കുപ്പണ സ്വദേശി വിവേകിന്റെ നിർമ്മാണത്തിലിരിക്കുന്ന വീട്ടിലെ കിണറിലായിരുന്നു സംഭവം. റിംഗ് ഇറക്കിയുള്ള കിണർ നിർമ്മാണമാണ് ഇവിടെ നടന്നിരുന്നത്. താഴ്ഭാഗത്ത് മണ്ണ് ഇടിഞ്ഞതിനെത്തുടർന്ന് ദാവൂദ് കിണറിനുള്ളിൽ കുടുങ്ങിപ്പോകുകയായിരുന്നു. സ്ഥലത്തെത്തിയ ഫയർഫോഴ്സ് യൂണിറ്റ് രക്ഷാപ്രവർത്തനം നടത്തി.
