കൊല്ലം: സംസ്ഥാനത്ത് പാമ്പ് കടിയേറ്റ് വീണ്ടും മരണം. കൊല്ലം സ്വദേശി രാജേന്ദ്രൻ (64) ആണ് മരിച്ചത്. വീടിനുള്ളിൽ വെച്ച് പാമ്പ് കടിയേറ്റ് ചികിത്സയിലായിരിക്കെ ഇന്ന് രാവിലെ തിരുവനന്തപുരം മെഡിക്കൽ കോളജ് ആശുപത്രിയിൽ വെച്ചായിരുന്നു അന്ത്യം.(Another snakebite death in Kerala, Kollam native lost his life )
ഏപ്രിൽ 24-നാണ് രാജേന്ദ്രന് സ്വന്തം വീടിനുള്ളിൽ വെച്ച് പാമ്പ് കടിയേറ്റത്. അണലിയാണ് ഇദ്ദേഹത്തെ കടിച്ചത്. ചികിത്സയ്ക്കായി തിരുവനന്തപുരം മെഡിക്കൽ കോളജിലേക്ക് മാറ്റുകയായിരുന്നു. ചികിത്സയിൽ തുടരുന്നതിനിടെയാണ് ഇന്ന് മരണം സംഭവിച്ചത്.
