മുംബൈ: ആരാധകർക്കായി എക്സ്ക്ലൂസീവ് കണ്ടന്റുകൾ (Exclusive Content) നൽകുന്നതിന് ഇൻസ്റ്റാഗ്രാമിൽ പണമടച്ചുള്ള സബ്സ്ക്രിപ്ഷൻ (Subscription) ആരംഭിച്ച ബോളിവുഡ് നടി നേഹ ശർമ്മയ്ക്കെതിരെ സോഷ്യൽ മീഡിയയിൽ വിമർശനം ശക്തമാകുന്നു (Neha Sharma Instagram subscription). മാസം 299 രൂപ സബ്സ്ക്രിപ്ഷൻ തുകയായി നിശ്ചയിച്ചതാണ് ഒരു വിഭാഗം ആരാധകരെ ചൊടിപ്പിച്ചത്.
തന്റെ സ്വകാര്യ ജീവിതത്തിലെ ദൃശ്യങ്ങളും ഷൂട്ടിംഗ് ലൊക്കേഷൻ വിശേഷങ്ങളും പങ്കുവെക്കാനാണ് താരം സബ്സ്ക്രിപ്ഷൻ ഫീച്ചർ ഉപയോഗിക്കുന്നത്. എന്നാൽ ഇതിനെ ‘ഓൺലി ഫാൻസ് ലൈറ്റ്’ (OnlyFans Lite) എന്ന് വിശേഷിപ്പിച്ചാണ് പലരും ട്രോളുന്നത്. സൗജന്യമായി കണ്ടന്റുകൾ നൽകുന്ന പ്ലാറ്റ്ഫോമിൽ ആരാധകരിൽ നിന്ന് പണം ഈടാക്കുന്നത് നാണക്കേടാണെന്ന് സോഷ്യൽ മീഡിയയിൽ കമന്റുകൾ നിറയുന്നു.
നേഹയുടെ ഇൻസ്റ്റാഗ്രാം പോസ്റ്റുകൾക്ക് താഴെ രൂക്ഷമായ പ്രതികരണങ്ങളാണ് വരുന്നത്. സിനിമകളിൽ അവസരമില്ലാത്തതിനാലാണോ ഇത്തരം മാർഗ്ഗങ്ങൾ തേടുന്നതെന്ന ചോദ്യവും ഉയരുന്നുണ്ട്. എന്നാൽ പല ആഗോള സെലിബ്രിറ്റികളും പിന്തുടരുന്ന രീതിയാണിതെന്നും ഇതിൽ തെറ്റില്ലെന്നുമാണ് നടിയെ അനുകൂലിക്കുന്നവരുടെ വാദം. വിഷയത്തിൽ നടി ഇതുവരെ ഔദ്യോഗികമായി പ്രതികരിച്ചിട്ടില്ല.
Story Summary: Bollywood actress Neha Sharma is facing intense backlash on social media for launching a paid Instagram subscription for her exclusive content at ₹299 per month. Critics have labeled it “shameful” and mocked it as “OnlyFans Lite,” sparking a debate over celebrities charging fans for social media access.
