കൊച്ചി: ചലച്ചിത്ര സംവിധായകൻ രഞ്ജിത്തിനെതിരായ ലൈംഗികാതിക്രമ പരാതിയിൽ അന്വേഷണം പൂർത്തിയായതായി പ്രത്യേക അന്വേഷണ സംഘം അറിയിച്ചു (Director Ranjith case). രഞ്ജിത്തിനെതിരെ കൃത്യമായ തെളിവുകൾ ലഭിച്ചിട്ടുണ്ടെന്നും കുറ്റപത്രം ഉടൻ കോടതിയിൽ സമർപ്പിക്കുമെന്നും SIT വ്യക്തമാക്കി. സിനിമയിൽ കൂടുതൽ പ്രാധാന്യമുള്ള വേഷം നൽകാമെന്ന് വാഗ്ദാനം ചെയ്ത് കാരവനിലേക്ക് വിളിച്ചുവരുത്തി പീഡിപ്പിക്കാൻ ശ്രമിച്ചു എന്ന നടിയുടെ പരാതിയിലാണ് നടപടി.
അതേസമയം, ഈ കേസിൽ പ്രതിയെ സഹായിച്ചു എന്നാരോപിക്കപ്പെട്ട നടൻ ബോബി കുര്യൻ, സഹസംവിധായിക ശാലിനി എന്നിവർക്ക് അന്വേഷണസംഘം ക്ലീൻ ചിറ്റ് നൽകി. രഞ്ജിത്തിനെ ഒളിവിൽ പോകാൻ ഇവർ സഹായിച്ചുവെന്നതിന് തെളിവുകളില്ലെന്ന് കണ്ടെത്തിയതിനെ തുടർന്നാണിത്.
നിലവിൽ ജാമ്യത്തിലുള്ള രഞ്ജിത്ത്, ജാമ്യവ്യവസ്ഥകളിൽ ഇളവ് തേടി നാളെ കോടതിയെ സമീപിക്കും. എറണാകുളം ജില്ല വിട്ട് പുറത്തുപോകാൻ അനുമതി നൽകണമെന്നതാണ് പ്രധാന ആവശ്യം. നേരത്തെ, അഭിനയത്തെ വിമർശിച്ചതിലുള്ള വൈരാഗ്യം മൂലമുള്ള വ്യാജ പരാതിയാണിതെന്ന് രഞ്ജിത്ത് വാദിച്ചിരുന്നെങ്കിലും, പ്രോസിക്യൂഷൻ ഇത് ശക്തമായി എതിർത്തിരുന്നു.
Story Summary: The Special Investigation Team (SIT) has completed its probe into the sexual assault case against director Ranjith and is set to file a charge sheet soon. While evidence was found against Ranjith, actor Bobby Kurian and associate director Shalini were given a clean sheet due to lack of evidence regarding aiding the accused.
