തൃശൂർ: ഒന്നാം ക്ലാസ് വിദ്യാർഥിനി കുഴഞ്ഞുവീണ് മരിച്ചു (Thrissur Girl Death). ബന്ധുവീട്ടിലേക്കുള്ള യാത്രയ്ക്കിടെയുണ്ടായ അപ്രതീക്ഷിത വിയോഗം ഒരു കുടുംബത്തെയാകെ കണ്ണീരിലാഴ്ത്തിയിരിക്കുകയാണ്. വള്ളത്തോൾ ഗ്രാമപഞ്ചായത്തിലെ കോടംകുന്നത്ത് വീട്ടിൽ അലി സഖാഫി-സഫ്ന ദമ്പതികളുടെ മകൾ സൻഹയാണ് മരിച്ചത്.
ശ്രീകൃഷ്ണപുരത്തുള്ള ബന്ധുവീട്ടിലേക്ക് പോകുന്നതിനിടെയാണ് കുട്ടി പെട്ടെന്ന് കുഴഞ്ഞുവീണത്. ഉടൻ തന്നെ മണ്ണാർക്കാടുള്ള സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മരണകാരണം എന്താണെന്ന കാര്യത്തിൽ നിലവിൽ വ്യക്തത വന്നിട്ടില്ല. പോസ്റ്റ്മോർട്ടം ഉൾപ്പെടെയുള്ള നടപടികൾക്ക് ശേഷം മാത്രമേ കൂടുതൽ വിവരങ്ങൾ ലഭ്യമാകൂ.
സഹൽ ആണ് സൻഹയുടെ സഹോദരൻ. കുരുന്നിന്റെ അപ്രതീക്ഷിത മരണം താഴപ്ര ഗ്രാമത്തെ ഒന്നടങ്കം ദുഃഖത്തിലാഴ്ത്തിയിരിക്കുകയാണ്.
Story Summary: A seven-year-old girl, Sanha Mahrin, died after collapsing during a journey to a relative’s house in Sreekrishnapuram. She was a first-grade student and the daughter of Ali Sakhafi from Vallathol Panchayat, Thrissur. Though she was rushed to a private hospital in Mannarkkad, she could not be saved. The exact cause of death is yet to be determined.
