തിരുവനന്തപുരം: കേരളത്തിൽ വൈദ്യുതി ഉപഭോഗം റെക്കോർഡുകൾ ഭേദിക്കുന്ന സാഹചര്യത്തിൽ സംസ്ഥാനത്ത് ലോഡ് ഷെഡിങ് പ്രഖ്യാപിക്കാൻ കെ.എസ്.ഇ.ബി. തീരുമാനിച്ചു (KSEB Load Shedding Kerala). രാത്രി 6 മണി മുതൽ 12 മണി വരെയുള്ള സമയത്തിനിടയിൽ വിവിധയിടങ്ങളിൽ അരമണിക്കൂർ വീതമാകും നിയന്ത്രണം ഏർപ്പെടുത്തുക. വൈകുന്നേരം 6 മുതൽ അർദ്ധരാത്രി 12 വരെയുള്ള പീക്ക് അവറുകളിൽ (Peak Hours) 30 മിനിറ്റ് ലോഡ് ഷെഡിങ് ഉണ്ടായിരിക്കും.
അതേസമയം , വൈകുന്നേരങ്ങളിൽ ഇലക്ട്രിക് വാഹനങ്ങൾ ചാർജ് ചെയ്യുന്നത് പരമാവധി ഒഴിവാക്കണമെന്ന് കെ.എസ്.ഇ.ബി. നിർദ്ദേശിച്ചു.
എയർ കണ്ടീഷണറുകളുടെ താപനില 24 ഡിഗ്രി സെൽഷ്യസിനും 26 ഡിഗ്രി സെൽഷ്യസിനും ഇടയിൽ ക്രമീകരിക്കുന്നത് വൈദ്യുതി ലാഭിക്കാൻ സഹായിക്കുമെന്നും യോഗം വിലയിരുത്തി.
വേനൽ കടുത്തതോടെ സംസ്ഥാനത്തെ ആഭ്യന്തര വൈദ്യുതി ഉൽപ്പാദനം കുറഞ്ഞതും പുറത്തുനിന്നുള്ള വൈദ്യുതി ലഭ്യമാക്കുന്നതിൽ നേരിടുന്ന സാങ്കേതിക തടസ്സങ്ങളുമാണ് നിയന്ത്രണത്തിലേക്ക് നയിച്ചത്. വൈദ്യുതി ഉപഭോഗം കുറച്ച് പ്രതിസന്ധി മറികടക്കാൻ പൊതുജനങ്ങൾ സഹകരിക്കണമെന്ന് കെ.എസ്.ഇ.ബി. അഭ്യർത്ഥിച്ചു. ഇത് സംബന്ധിച്ച ഔദ്യോഗിക ഷെഡ്യൂൾ ഉടൻ പുറത്തിറക്കും.
Story Summary: Due to severe power shortages and record-breaking consumption, KSEB has decided to implement a 30-minute load shedding across the state between 6 PM and 12 AM. The high-level meeting also advised the public to avoid charging electric vehicles during peak hours and suggested setting AC temperatures between 24°C and 26°C to conserve energy.
