താനെ: വീട്ടിൽ പേരക്കുട്ടിയുടെ ജന്മദിനാഘോഷം നടക്കുന്നതിനിടെയുണ്ടായ തർക്കത്തിനൊടുവിൽ മൂന്ന് കുടുംബാംഗങ്ങളെ കുത്തിപ്പരിക്കേൽപ്പിച്ച സംഭവത്തിൽ മുഹമ്മദ് താരിഖ് ഖാൻ എന്നയാൾക്കെതിരെ പോലീസ് കേസെടുത്തു (Thane Crime News). താനെയിലെ റബോഡിയിലാണ് സംഭവം നടന്നത്.
വെള്ളിയാഴ്ച മുഹമ്മദ് താരിഖ് ഖാന്റെ വീട്ടിൽ പേരക്കുട്ടിയുടെ ജന്മദിനാഘോഷങ്ങൾ നടക്കുകയായിരുന്നു. ഇതിന്റെ ഭാഗമായി നിരവധി ബന്ധുക്കളും വീട്ടിലെത്തിയിരുന്നു. ആഘോഷങ്ങൾക്കിടെ ഭാര്യയും മറ്റ് കുടുംബാംഗങ്ങളും ടെലിവിഷൻ കാണുന്നതിനെ താരിഖ് ശക്തമായി എതിർത്തു. ഇത് സംബന്ധിച്ച് ഭാര്യയുമായി വലിയ വാക്കുതർക്കമുണ്ടായി.
തർക്കം മൂർച്ഛിച്ചതോടെ അടുക്കളയിൽ നിന്ന് കത്തിയെടുത്ത താരിഖ് ഭാര്യയെ ആക്രമിക്കുകയായിരുന്നു. അമ്മയെ രക്ഷിക്കാൻ മകളും പേരക്കുട്ടിയും ഇടപെട്ടതോടെ താരിഖ് ഇരുവരെയും ക്രൂരമായി കുത്തിപ്പരിക്കേൽപ്പിച്ചു.
പരിക്കേറ്റ മൂന്ന് പേരെയും ഉടൻ തന്നെ സമീപത്തെ ആശുപത്രിയിൽ പ്രവേശിപ്പിച്ചു. ഇവരുടെ പരിക്ക് ഗുരുതരമല്ലെന്നാണ് റിപ്പോർട്ടുകൾ. താരിഖിന്റെ മകൾ നൽകിയ പരാതിയുടെ അടിസ്ഥാനത്തിൽ ഭാരതീയ ന്യായ സംഹിത (BNS) സെക്ഷൻ 118(1) പ്രകാരം റബോഡി പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു. പ്രതിയും ഭാര്യയും തമ്മിൽ നേരത്തെയും ഇത്തരത്തിൽ വഴക്കുകൾ പതിവായിരുന്നുവെന്ന് പോലീസ് പറഞ്ഞു.
Story Summary: A man in Thane’s Rabodi area, Mohammad Tariq Khan, stabbed his wife, daughter, and granddaughter following a dispute over watching television during a birthday celebration. The incident occurred on Friday night when relatives were gathered for the grandchild’s birthday. Tariq attacked them with a kitchen knife, and the injured were rushed to a nearby hospital. Police registered a case under BNS Section 118(1) based on his daughter’s complaint.
