പാലക്കാട്: പട്ടാമ്പിയിൽ വയോധികനെ വീട്ടുവളപ്പിൽ മരിച്ച നിലയിൽ കണ്ടെത്തി (Palakkad Sunstroke Death). പുലാമന്തോൾ വളപ്പിൽ ബഷീർ (68) ആണ് മരിച്ചത്. ശനിയാഴ്ച ഉച്ചയ്ക്ക് രണ്ട് മണിയോടെയാണ് ബഷീറിനെ വീട്ടുവളപ്പിൽ വീണുകിടക്കുന്ന നിലയിൽ അയൽവാസികൾ കണ്ടത്.
ഉടൻ തന്നെ ഇദ്ദേഹത്തെ പട്ടാമ്പി താലൂക്ക് ആശുപത്രിയിൽ എത്തിച്ചെങ്കിലും നേരത്തെ തന്നെ മരണം സംഭവിച്ചിരുന്നു. സംസ്ഥാനത്ത് ഉഷ്ണതരംഗവും കഠിനമായ ചൂടും തുടരുന്ന സാഹചര്യത്തിൽ, സൂര്യതാപമേറ്റതാണോ മരണകാരണമെന്ന് സംശയിക്കുന്നുണ്ട്. എന്നാൽ പോസ്റ്റ്മോർട്ടം റിപ്പോർട്ട് ലഭിച്ചാൽ മാത്രമേ ഇക്കാര്യത്തിൽ ഔദ്യോഗിക സ്ഥിരീകരണം ഉണ്ടാവുകയുള്ളൂ എന്ന് ആശുപത്രി അധികൃതർ വ്യക്തമാക്കി.
പാലക്കാട് ജില്ലയിൽ കഴിഞ്ഞ ദിവസങ്ങളിൽ താപനില ക്രമാതീതമായി ഉയർന്നിരുന്നു. ഉച്ചസമയത്ത് വെയിലത്തിറങ്ങുന്നത് ഒഴിവാക്കണമെന്ന് ദുരന്തനിവാരണ അതോറിറ്റി കർശന നിർദ്ദേശം നൽകിയിട്ടുണ്ട്.
Story Summary: A 68-year-old man, Basheer, was found dead in the courtyard of his house in Pattambi, Palakkad. He was discovered lying on the ground around 2 PM on Saturday. While sunstroke is suspected to be the cause of death due to the prevailing heatwave, health officials stated that a final confirmation will be made only after the post-mortem.
