നന്ദുർബാർ: ഭാര്യയെ സ്വന്തം വീട്ടിലേക്ക് വിട്ടയക്കാത്തതിലുള്ള ദേഷ്യത്തിൽ മഹാരാഷ്ട്രയിലെ നന്ദുർബാർ ജില്ലയിൽ യുവാവ് അമ്മായിയമ്മയുടെ വീടിന് തീയിട്ടു (Maharashtra Man Sets In-laws House on Fire). തീ പടർന്ന് പിടിച്ചതോടെ അമ്മായിയമ്മയുടെ വീടിനൊപ്പം അയൽവാസിയുടെ വീടും പൂർണ്ണമായും കത്തിനശിച്ചു. മിഥുൻ പദ്വി എന്ന യുവാവാണ് ഈ ക്രൂരത ചെയ്തത്. വേനൽ ചൂടും ശക്തമായ കാറ്റും കാരണം തീ അതിവേഗം പടരുകയായിരുന്നു.
മിഥുൻ പദ്വിയും ഭാര്യയും തമ്മിലുള്ള തർക്കത്തെത്തുടർന്ന് കുറച്ചുനാളായി ഭാര്യ സ്വന്തം വീട്ടിലായിരുന്നു താമസം. പലതവണ മിഥുൻ അവിടെച്ചെന്ന് ഭാര്യയെ തിരികെ വിളിച്ചെങ്കിലും വീട്ടുകാർ വിട്ടയക്കാൻ തയ്യാറായില്ല. ഇതിൽ പ്രകോപിതനായാണ് യുവാവ് വീടിന് തീയിട്ടത്. സമീപവാസിയായ സുഭാഷ് വാൽവിയുടെ വീടാണ് തീ പടർന്ന് പൂർണ്ണമായും നശിച്ച മറ്റൊരു വീട്. സംഭവത്തിൽ ആർക്കും ജീവഹാനി സംഭവിച്ചിട്ടില്ലെങ്കിലും വീട്ടുപകരണങ്ങളും മറ്റ് വസ്തുക്കളും പൂർണ്ണമായും ചാരമായി മാറി.
തീ ആളിപ്പടരുന്നത് കണ്ട് നാട്ടുകാർ അണയ്ക്കാൻ ശ്രമിച്ചെങ്കിലും ഫലമുണ്ടായില്ല. സംഭവത്തിന് പിന്നാലെ മിഥുൻ പദ്വി ഒളിവിൽ പോയി. അമ്മായിയമ്മ നൽകിയ പരാതിയുടെ അടിസ്ഥാനത്തിൽ പോലീസ് കേസെടുത്ത് പ്രതിക്കായി തിരച്ചിൽ ആരംഭിച്ചു. സംഭവത്തിന്റെ ദൃശ്യങ്ങൾ സോഷ്യൽ മീഡിയയിൽ പ്രചരിക്കുന്നുണ്ട്.
Summary: Enraged after his in-laws refused to send his wife back home, a man named Mithun Padvi set their house on fire in Maharashtra’s Nandurbar district. The fire quickly spread due to summer heat and winds, destroying both the in-laws’ house and a neighbor’s house. No casualties were reported, but all belongings were reduced to ashes. Police have launched a search for the absconding accused.
