ചെന്നൈ: തമിഴ്നാട് നിയമസഭാ തിരഞ്ഞെടുപ്പിന്റെ വോട്ടെടുപ്പ് പുരോഗമിക്കുമ്പോൾ മികച്ച പോളിംഗ് രേഖപ്പെടുത്തുന്നു. രാവിലെ 11 മണി വരെയുള്ള കണക്കുകൾ പ്രകാരം സംസ്ഥാനത്ത് 37.56 ശതമാനം പേർ വോട്ട് രേഖപ്പെടുത്തി (Tamil Nadu Election 2026). വോട്ടെടുപ്പിനിടെ സേലത്ത് ഡിഎംകെ-എഐഎഡിഎംകെ പ്രവർത്തകർ തമ്മിലുണ്ടായ സംഘർഷം നേരിയ വിരസതയുണ്ടാക്കി.
സേലത്തെ അരിസിപാളയത്തെ 139-ാം നമ്പർ ബൂത്തിൽ ഡിഎംകെ, എഐഎഡിഎംകെ ഏജന്റുമാർ തമ്മിൽ വാക്കേറ്റവും കൈയാങ്കളിയുമുണ്ടായി. വോട്ട് ചെയ്യാനെത്തിയ ഒരു സ്ത്രീക്കുണ്ടായ തെറ്റിദ്ധാരണയെത്തുടർന്നാണ് പ്രശ്നങ്ങൾ ആരംഭിച്ചത്. ബൂത്തിനുള്ളിൽ ക്യാൻവാസിംഗ് നടത്തിയെന്ന ആരോപണത്തെത്തുടർന്ന് സ്ത്രീ എഐഎഡിഎംകെ ഏജന്റിനെ മർദ്ദിച്ചതോടെയാണ് രംഗം വഷളായത്. ഡിഎംകെ-കോൺഗ്രസ് സഖ്യം തുടരുമ്പോൾ, 2024-ൽ പിരിഞ്ഞ ബിജെപിയും എഐഎഡിഎംകെയും ഈ തിരഞ്ഞെടുപ്പിന് മുന്നോടിയായി വീണ്ടും ഒന്നിച്ചു. 28 സീറ്റുകളിലാണ് ഇത്തവണ കോൺഗ്രസ് മത്സരിക്കുന്നത്.
നടൻ വിജയിന്റെ തമിഴക വെട്രി കഴകം കന്നി അങ്കത്തിനിറങ്ങുന്നത് ദ്രാവിഡ കക്ഷികൾക്ക് വലിയ വെല്ലുവിളിയാണ് ഉയർത്തുന്നത്. തിരുച്ചിറപ്പള്ളി ഈസ്റ്റ്, പെരമ്പൂർ എന്നീ രണ്ട് മണ്ഡലങ്ങളിൽ നിന്നാണ് വിജയ് ജനവിധി തേടുന്നത്. ജയലളിതയുടെയും കരുണാനിധിയുടെയും വിയോഗത്തിന് ശേഷം തമിഴ് മണ്ണിൽ നടക്കുന്ന രണ്ടാമത്തെ നിയമസഭാ തിരഞ്ഞെടുപ്പാണിത്. വൈകുന്നേരം 6 മണി വരെയാണ് പോളിംഗ്.
Summary: Tamil Nadu recorded a strong 37.56% voter turnout by 11 AM in the 2026 Assembly elections. However, tensions flared in Salem as AIADMK and DMK agents clashed inside a polling booth following a misunderstanding with a woman voter. The election sees the DMK-led alliance facing off against the reunited AIADMK-BJP combine, while actor Vijay’s TVK makes its high-profile electoral debut across all 234 seats. Key leaders like MK Stalin, EPS, and Vijay are among the prominent candidates in the fray.
