ന്യൂഡൽഹി: രാഷ്ട്രീയ-സാംസ്കാരിക പ്രമുഖർ പങ്കെടുത്ത വിരുന്നിൽ ശശി തരൂർ എം.പിയുമായി നടത്തിയ കൂടിക്കാഴ്ചയെക്കുറിച്ചുള്ള പ്രിയങ്ക മോഹന്റെ കുറിപ്പ് സമൂഹമാധ്യമങ്ങളിൽ ശ്രദ്ധ നേടുന്നു (Priyanka Mohan Shashi Tharoor). വിദേശകാര്യ മന്ത്രി ഡോ. എസ്. ജയശങ്കർ ഉൾപ്പെടെയുള്ളവരുമായി സംസാരിച്ച ശേഷം മടങ്ങുമ്പോഴാണ് ശശി തരൂർ അപ്രതീക്ഷിതമായി പ്രിയങ്കയെയും കെ-പോപ്പ് താരം ഓറയെയും കണ്ടുമുട്ടിയത്.
“കൊറിയയുമായുള്ള ബന്ധം കണക്കിലെടുക്കുമ്പോൾ ഈ അപ്രതീക്ഷിത കൂടിക്കാഴ്ച ഏറെ സന്തോഷം നൽകി,” എന്നായിരുന്നു ചിത്രങ്ങൾ പങ്കുവെച്ച് തരൂർ എക്സിൽ (X) കുറിച്ചത്. തരൂരിന്റെ പോസ്റ്റ് പങ്കുവെച്ച പ്രിയങ്ക, തങ്ങൾ തമ്മിലുള്ള സംഭാഷണം ഏറെ ആസ്വദിച്ചുവെന്ന് മറുപടി നൽകി. “സർ, നിങ്ങളെ കണ്ടുമുട്ടിയതിൽ വലിയ സന്തോഷം. എനിക്കുവേണ്ടി ആ മനോഹരമായ ചിത്രം പകർത്തിയതിന് നന്ദി,” എന്നും താരം കുറിച്ചു. ശശി തരൂർ തന്നെയാണ് പ്രിയങ്കയുടെ ചിത്രം ക്യാമറയിൽ പകർത്തി നൽകിയത്.
പ്രിയങ്ക മോഹൻ പ്രധാന വേഷത്തിലെത്തിയ ‘മേഡ് ഇൻ കൊറിയ’ എന്ന ചിത്രം മാർച്ച് 12-ന് റിലീസ് ചെയ്ത് മികച്ച പ്രതികരണങ്ങളുമായി മുന്നേറുകയാണ്. കാമുകനോടൊപ്പം കൊറിയ സന്ദർശിക്കണമെന്ന ആഗ്രഹം തകരുന്ന ‘ചെമ്പ’ എന്ന പെൺകുട്ടി ഏകാന്തതയും സാംസ്കാരിക വെല്ലുവിളികളും അതിജീവിച്ച് സ്വന്തം വ്യക്തിത്വം വീണ്ടെടുക്കുന്നതാണ് സിനിമയുടെ ഇതിവൃത്തം.
ഋഷികാന്ത്, ബേക്ക് സി-ഹൂൺ, ജേഹ്യുൻ ജാങ് തുടങ്ങിയവരും ചിത്രത്തിൽ പ്രധാന വേഷങ്ങളിൽ എത്തുന്നുണ്ട്. സിനിമയുടെ കൊറിയൻ പശ്ചാത്തലം കാരണമാണ് രാഷ്ട്രപതി ഭവനിലെ വിരുന്നിലേക്ക് പ്രിയങ്കയ്ക്ക് ക്ഷണം ലഭിച്ചത്.
After two excellent conversations with @DrSJaishankar and CJI SuryaKant at the banquet, I had two unexpected encounters on the way out. Given the Korean connection, it was a delight to meet @priyankaamohan, star of “Made in Korea”, and to run into K-pop star Aoora, who now makes… pic.twitter.com/t3bOR0UJdA
— Shashi Tharoor (@ShashiTharoor) April 20, 2026
Story Summary: Actress Priyanka Mohan shared her excitement after meeting MP Shashi Tharoor at a banquet in Rashtrapati Bhavan, hosted for South Korean President Lee Jae-myung. Priyanka, who represented her latest film ‘Made in Korea’, thanked Tharoor for their conversation and for clicking a beautiful picture of her. Tharoor also shared photos with the actress and K-Pop star Aoora, highlighting the cultural connect.
