Follow on Google News
കൊച്ചി: മലയാളികളുടെ പ്രിയതാരം ഷിയാസ് കരീം അച്ഛനായി (Shiyas Kareem Baby Boy News). തനിക്കും ഭാര്യ ദർഫയ്ക്കും ഒരു ആൺകുഞ്ഞ് പിറന്ന സന്തോഷം താരം പങ്കുവെച്ചതോടെ സഹപ്രവർത്തകരും ആരാധകരും ഉൾപ്പെടെ വലിയൊരു നിരയാണ് ആശംസകളുമായി എത്തുന്നത്.
“രാജകുമാരൻ എത്തി” എന്ന സന്തോഷത്തോടെയാണ് ഷിയാസ് കുഞ്ഞിന്റെ വരവ് അറിയിച്ചത്. കുഞ്ഞിന്റെ ചിത്രങ്ങളോ മറ്റ് വിശദാംശങ്ങളോ താരം നിലവിൽ പുറത്തുവിട്ടിട്ടില്ലെങ്കിലും ‘ജൂനിയർ ഷിയാസിനെ’ കാണാനുള്ള കാത്തിരിപ്പിലാണ് ആരാധകർ.
2024-ലായിരുന്നു ഷിയാസും ദർഫയും വിവാഹിതരായത്. ഈ വർഷം ജനുവരിയിലാണ് തങ്ങൾ മാതാപിതാക്കളാകാൻ പോകുന്ന വിവരം ഷിയാസ് പുറത്തുവിട്ടത്. “പരസ്പരം ‘ബേബി’ എന്ന് വിളിച്ചിരുന്ന ഞങ്ങൾക്കിടയിലേക്ക് യഥാർത്ഥത്തിൽ ഒരു ബേബി എത്തുന്നു” എന്നായിരുന്നു അന്ന് താരം കുറിച്ചത്.
ഗർഭകാലത്തെ വിശേഷങ്ങളും ദർഫയുടെ മെറ്റേണിറ്റി ഫോട്ടോഷൂട്ട് ചിത്രങ്ങളും ഷിയാസ് നേരത്തെ ഇൻസ്റ്റാഗ്രാമിലൂടെ പങ്കുവെച്ചിരുന്നു.
മോഡലിംഗിലൂടെയും ബിഗ് ബോസ് മലയാളം ഒന്നാം സീസണിലൂടെയുമാണ് ഷിയാസ് കരീം പ്രേക്ഷകർക്ക് പ്രിയങ്കരനായത്. തുടർന്ന് സിനിമകളിലും ടെലിവിഷൻ പരിപാടികളിലും താരം സജീവമായി. കുടുംബത്തിലേക്ക് പുതിയൊരാൾ കൂടി എത്തിയ സന്തോഷം ആഘോഷമാക്കുകയാണ് താരത്തിന്റെ കുടുംബവും സുഹൃത്തുക്കളും.
Story Summary: Actor and Bigg Boss fame Shiyas Kareem and his wife Darfa welcomed their first child, a baby boy. Shiyas shared the happy news on social media, receiving a wave of congratulations from fans and celebrities.
