Follow on Google News
ന്യൂഡൽഹി: ഇന്ത്യയിലെ ആർട്ടിഫിഷ്യൽ ഇന്റലിജൻസ് ഉപയോഗത്തെക്കുറിച്ച് പ്രമുഖ എഐ കമ്പനിയായ ഒപ്പൺ എഐ പുറത്തുവിട്ട ആദ്യ റിപ്പോർട്ടിൽ നിർണ്ണായക വിവരങ്ങൾ (ChatGPT Usage India Report). ഇന്ത്യയിലെ ചാറ്റ് ജിപിടി ഉപയോക്താക്കളിൽ പകുതിയോളം പേരും രാജ്യത്തെ പ്രധാന 10 നഗരങ്ങളിലാണെന്ന് റിപ്പോർട്ട് വ്യക്തമാക്കുന്നു. ഇതിൽ ഡൽഹി-എൻസിആർ മേഖലയാണ് ഏറ്റവും മുന്നിൽ.
റിപ്പോർട്ടിലെ പ്രധാന കണ്ടെത്തലുകൾ:
- നഗര കേന്ദ്രീകൃത ഉപയോഗം: ഇന്ത്യയിലെ ആകെ ജനസംഖ്യയുടെ 10 ശതമാനം മാത്രം വരുന്ന 10 നഗരങ്ങളിലാണ് 50 ശതമാനം ചാറ്റ് ജിപിടി ഉപയോക്താക്കളുമുള്ളത്. ഡൽഹി കഴിഞ്ഞാൽ ബംഗളൂരുവാണ് തൊട്ടുപിന്നിൽ.
- കേരളം ആരോഗ്യ രംഗത്ത് മുന്നിൽ: ആരോഗ്യ സംബന്ധമായ സംശയങ്ങൾ ചോദിക്കാൻ ചാറ്റ് ജിപിടി ഉപയോഗിക്കുന്ന കാര്യത്തിൽ കേരളം, ജമ്മു കശ്മീർ, പഞ്ചാബ് തുടങ്ങിയ സംസ്ഥാനങ്ങൾ മുന്നിലാണ്. ജമ്മു കശ്മീരിൽ നിന്നുള്ള പത്തിൽ ഒരു സന്ദേശം ആരോഗ്യവുമായി ബന്ധപ്പെട്ടതാണ്.
- വിദ്യാഭ്യാസ രംഗം: അസം, ഒഡീഷ, മണിപ്പൂർ തുടങ്ങിയ കിഴക്കൻ സംസ്ഥാനങ്ങളിലെ വിദ്യാർത്ഥികൾ പഠനാവശ്യങ്ങൾക്കായി ചാറ്റ് ജിപിടിയെ കാര്യമായി ആശ്രയിക്കുന്നു. അസമിലെ 22 ശതമാനം സന്ദേശങ്ങളും വിദ്യാഭ്യാസവുമായി ബന്ധപ്പെട്ടതാണ്.
- കോഡിംഗും ഡാറ്റയും: ബംഗളൂരു, ഹൈദരാബാദ്, ചെന്നൈ തുടങ്ങിയ നഗരങ്ങൾ കോഡിംഗിനും ഡാറ്റാ അനാലിസിസിനുമായി എഐ ടൂളുകൾ വ്യാപകമായി ഉപയോഗിക്കുന്നു. ഫെബ്രുവരിയിൽ പുറത്തിറങ്ങിയ ‘കോഡെക്സ്’ആപ്പിന് രണ്ടാഴ്ചയ്ക്കുള്ളിൽ നാലുമടങ്ങ് വളർച്ചയാണ് ഇന്ത്യയിലുണ്ടായത്.
എഐ ഉപയോഗം ചില നഗരങ്ങളിൽ മാത്രം ഒതുങ്ങിനിൽക്കാതെ രാജ്യമെമ്പാടും വ്യാപിപ്പിക്കാനുള്ള ശ്രമത്തിലാണ് ഒപ്പൺ എഐ. ഇതിനായി പ്രാദേശിക ഭാഷകൾ ഉൾപ്പെടുത്തുന്നതിനും സർവ്വകലാശാലകളുമായി സഹകരിക്കുന്നതിനും കമ്പനി പദ്ധതിയിടുന്നു. ഇന്ത്യയിൽ നിലവിൽ ആഴ്ചയിൽ 100 ദശലക്ഷത്തിലധികം സജീവ ഉപയോക്താക്കളുണ്ട് എന്നത് എഐ വിപണിയിൽ ഇന്ത്യയുടെ പ്രാധാന്യം വെളിപ്പെടുത്തുന്നു.
Summary: In its first-ever report on India’s AI ‘Capability Gap’, OpenAI revealed that ChatGPT adoption is highly concentrated in top cities, with Delhi-NCR leading the way. Nearly 50% of users reside in just 10 major cities, despite these hubs representing only 10% of the population. While Bangalore and Hyderabad dominate advanced coding and data analysis usage, states like Kerala and Jammu & Kashmir show high engagement for health-related queries. Eastern states like Assam are leading in educational use. OpenAI’s International MD Oliver Jay emphasized that bridging this gap through language support and infrastructure is crucial for inclusive growth in India, one of its largest markets with over 100 million weekly active users.
