Follow on Google News
കൊച്ചി: നിരത്തുകളിലെ സ്റ്റൈൽ ഐക്കണായ യമഹ ഫാസിനോയുടെ ഏറ്റവും പുതിയ ഹൈബ്രിഡ് പതിപ്പ് ഇന്ത്യ യമഹ മോട്ടോർ പുറത്തിറക്കി (New Yamaha Fascino 125 Launch). ഇന്ത്യയിൽ 1.5 ദശലക്ഷം ഉപഭോക്താക്കൾ എന്ന നാഴികക്കല്ല് പിന്നിട്ടതിന്റെ ആഘോഷമായാണ് യമഹ ഈ പുതിയ പ്രീമിയം സ്കൂട്ടറിനെ അവതരിപ്പിച്ചിരിക്കുന്നത്.
സ്കൂട്ടറിന്റെ പിൻഭാഗത്തെ ഡിസൈനിൽ വിപ്ലവകരമായ മാറ്റങ്ങളാണ് വരുത്തിയിരിക്കുന്നത്. നീളം വർദ്ധിപ്പിച്ച റിയർ സെക്ഷൻ കൂടുതൽ പ്രീമിയം ലുക്ക് നൽകുന്നു. ആകർഷകമായ ‘V’ ആകൃതിയിലുള്ള പുതിയ ടെയിൽ ലാമ്പും പുതിയ ഇൻഡിക്കേറ്ററുകളും സ്കൂട്ടറിനെ കൂടുതൽ സ്റ്റൈലിഷ് ആക്കുന്നു.
125 സിസി ബ്ലൂ കോർ ഹൈബ്രിഡ് എഞ്ചിനാണ് കരുത്ത് പകരുന്നത്. ഈ സാങ്കേതികവിദ്യയിലൂടെ ശബ്ദമില്ലാതെ സ്കൂട്ടർ സ്റ്റാർട്ട് ചെയ്യാനും പവർ അസിസ്റ്റ് വഴി മികച്ച കുതിപ്പ് നൽകാനും സാധിക്കും. ടേൺ-ബൈ-ടേൺ നാവിഗേഷൻ, ആൻസർ ബാക്ക് സൗകര്യം, അത്യാധുനിക കളർ ടി.എഫ്.ടി ഇൻസ്ട്രുമെന്റ് ക്ലസ്റ്റർ എന്നിവ പുതിയ മോഡലിലുണ്ട്.
വിവിധ വേരിയന്റുകൾക്ക് 76,500 രൂപ മുതൽ 95,200 രൂപ വരെയാണ് എക്സ് ഷോറൂം വില വരുന്നത്. നഗര യാത്രകളെ കൂടുതൽ ആസ്വാദ്യകരമാക്കുന്ന ഈ സ്കൂട്ടർ യുവാക്കളെയും കുടുംബങ്ങളെയും ഒരുപോലെ ആകർഷിക്കുമെന്ന് യമഹ മോട്ടോർ ഇന്ത്യ ഗ്രൂപ്പ് ചെയർമാൻ ഹാജിമെ അയോട്ട വ്യക്തമാക്കി.
Story Summary: India Yamaha Motor has launched the new Fascino 125 FI Hybrid with a premium design and advanced features like navigation and a TFT cluster. Priced between ₹76,500 and ₹95,200, the scooter aims to attract young urban riders.
