കൊച്ചി: ലൂസിഫർ ഫ്രാഞ്ചൈസിയിലെ മൂന്നാം ഭാഗമായ ‘അസ്രയേലി’നായുള്ള (L3) തയ്യാറെടുപ്പുകളെക്കുറിച്ച് സംസാരിക്കുകയാണ് പൃഥ്വിരാജ് (Prithviraj Sukumaran L3 Azrael). എമ്പുരാന്റെ റിലീസിന് മുൻപേ തന്നെ സിനിമയുടെ മൂന്നാം ഭാഗത്തെക്കുറിച്ചുള്ള ചർച്ചകൾ സജീവമാകുന്നതിലെ സന്തോഷവും താരം പങ്കുവെച്ചു.
“എവിടെപ്പോയാലും എൽ3 എന്ന് വരുമെന്ന ചോദ്യം എനിക്ക് നേരിടേണ്ടി വരാറുണ്ട്. ഒരു പ്രസ് മീറ്റിൽ പോലും അതിനെക്കുറിച്ച് ആരും ചോദിക്കാതിരുന്നിട്ടില്ല. ആ താൽപ്പര്യം ആളുകൾക്കിടയിൽ ഉള്ളിടത്തോളം കാലം സിനിമ ചെയ്യാനുള്ള വലിയ പ്രചോദനം എനിക്കുണ്ട്,” പൃഥ്വിരാജ് പറഞ്ഞു.
വിമർശനങ്ങൾ കാരണം ഒരു സിനിമ ചെയ്യാനോ ചെയ്യാതിരിക്കാനോ തീരുമാനിക്കുന്ന ആളല്ല താൻ. എമ്പുരാൻ ഇഷ്ടപ്പെടാത്തവർ ഉണ്ടാവാം, എന്നാൽ അതിന്റെ അടുത്ത ഭാഗം വേണമെന്ന് ആഗ്രഹിക്കുന്നവരാണ് ഭൂരിഭാഗവും. സംവിധാനത്തിലേക്ക് വീണ്ടും കടക്കുന്നതിന് തന്റെ സമയക്കുറവാണ് പ്രധാന തടസ്സം. ലാലേട്ടന്റെയും തന്റെയും സമയം ഒത്തുവരുക എന്നത് വലിയ ചാലഞ്ചാണ്. അഭിനയിച്ചു തീർക്കാൻ കുറേ സിനിമകളുണ്ട്. അവരോട് നീതി പുലർത്തേണ്ടതുണ്ട്.
എമ്പുരാന് ശേഷം അഭിനയിക്കാമെന്ന് ഏറ്റ ചില പ്രൊഡ്യൂസേഴ്സിന് വാക്ക് നൽകിയിട്ടുണ്ട്. അത് പൂർത്തിയാക്കിയ ശേഷം മാത്രമേ വീണ്ടും സംവിധാനത്തിലേക്ക് കടക്കൂ. എന്നിരുന്നാലും സംവിധാനം ചെയ്യണമെന്ന ആഗ്രഹം ശക്തമാണെന്നും ഒന്ന് രണ്ട് പുതിയ പ്രോജക്റ്റുകൾ മനസ്സിലുണ്ടെന്നും പൃഥ്വിരാജ് കൂട്ടിച്ചേർത്തു.
ലൂസിഫർ, എമ്പുരാൻ എന്നിവയ്ക്ക് ശേഷം വരുന്ന മൂന്നാം ഭാഗത്തിന് ‘അസ്രയേൽ’ എന്നാണ് പേരിട്ടിരിക്കുന്നത്.
Story Summary: Actor-director Prithviraj Sukumaran discussed the third installment of the Lucifer franchise, titled ‘Azrael’ (L3). He stated that criticism doesn’t hold him back and the massive fan expectation for the next part is his biggest inspiration.
