പുലർകാലേ വണങ്ങീടുമിന്നിന്ദ്രദിക്കെ
പുതു ചേലയിൽ നെയ്ത്തിരികളഞ്ചെണ്ണം
മഞ്ഞയുടുത്തൊരു മേടപ്പുലരീ… നിന്നുടെ
മഞ്ഞപ്പൊൻ കൈനീട്ടമെടുപ്പാനായ്
അരിയും നെല്ലും കണിവെള്ളരിയും
കണ്ണിനു കുളിരായ് കുന്നോളം…
പൊന്നും മുണ്ടും വാൽകണ്ണാടിയും
പിന്നഷ്ടൈശ്വര്യങ്ങളുമെല്ലാമേ..
എന്നും കൃപമയമെന്നോണം
എന്നിൽ വിഷുഫലമായേകീടണമേ…
ശാന്തി സമത്വവുമേറ്റീടിൽ
നിണമണിയാത്തൊരു ഭൂലോകം
ഹരിത മനോഹരമായീടും
മാലോകർക്കാകെ മനം നിറയെ…
——————————
ജാബിർ പാറോൽ
കോഴിക്കോട്
