വയനാട് : ജില്ലയിലെ മാനന്തവാടി ചെറുകാട്ടൂരിൽ പോളിങ് ഓഫീസറെ തിരഞ്ഞെടുപ്പ് ചുമതലയിൽ നിന്ന് നീക്കം ചെയ്തു. വോട്ടർമാരെ ഒരു പ്രത്യേക രാഷ്ട്രീയ പാർട്ടിയുടെ ചിഹ്നത്തിൽ വോട്ട് ചെയ്യാൻ പ്രേരിപ്പിച്ചു എന്ന പരാതിയെത്തുടർന്നാണ് നടപടി.(Polling officer removed after urging to vote for a certain symbol)
ചെറുകാട്ടൂർ സെന്റ് ജോസഫ് സ്കൂളിലെ 199-ാം നമ്പർ ബൂത്തിലാണ് സംഭവം നടന്നത്. പ്രത്യേക ചിഹ്നത്തിൽ വോട്ട് ചെയ്യാൻ പോളിങ് ഓഫീസർ വോട്ടർമാരെ പ്രേരിപ്പിച്ചു എന്നാണ് ആരോപണം ഉയർന്നത്. കോൺഗ്രസ് ആണ് അധികൃതർക്ക് പരാതി നൽകിയത്. പിന്നാലെ ഇയാളെ ചുമതലയിൽ നിന്ന് നീക്കി.
