ന്യൂഡൽഹി: ഇറാൻ-അമേരിക്ക സംഘർഷത്തെത്തുടർന്നുണ്ടായ വിതരണ തടസ്സം കണക്കിലെടുത്ത്, പ്രധാന വ്യവസായ മേഖലകൾക്ക് കൂടുതൽ എൽപിജി (LPG) വിഹിതം അനുവദിക്കാൻ കേന്ദ്ര സർക്കാർ സംസ്ഥാനങ്ങളോടും കേന്ദ്രഭരണ പ്രദേശങ്ങളോടും നിർദ്ദേശിച്ചു ( LPG Allocation for Industries India). ഫാർമ, ഭക്ഷ്യസംസ്കരണം, കൃഷി തുടങ്ങിയ നിർണ്ണായക മേഖലകൾക്ക് മുൻഗണന നൽകാനാണ് പെട്രോളിയം മന്ത്രാലയത്തിന്റെ തീരുമാനം.
വൻകിട വ്യവസായങ്ങൾക്ക് അവരുടെ മുൻപത്തെ ഉപഭോഗത്തിന്റെ 70 ശതമാനം വരെ എൽപിജി ഇനി മുതൽ ലഭിക്കും. പാക്കേജിംഗ്, പെയിന്റ്, സ്റ്റീൽ, ഗ്ലാസ്, സെറാമിക് തുടങ്ങിയ മേഖലകൾക്കും ഈ ആനുകൂല്യം ലഭിക്കും. ഇന്ത്യയിലേക്കുള്ള എൽപിജി ഇറക്കുമതിയുടെ വലിയൊരു ഭാഗം മിഡിൽ ഈസ്റ്റിൽ നിന്നാണ്. ഇറാൻ ഹോർമുസ് കടലിടുക്ക് ഉപരോധിച്ചതും മറ്റ് ഗൾഫ് രാജ്യങ്ങളിലെ സംഘർഷവുമാണ് ഇന്ത്യയിലെ വിതരണത്തെ ബാധിച്ചത്. പ്രകൃതിവാതകം പകരമായി ഉപയോഗിക്കാൻ കഴിയാത്ത പ്രത്യേക വ്യവസായ യൂണിറ്റുകൾക്കായിരിക്കും എൽപിജി വിതരണത്തിൽ മുൻഗണന നൽകുക.
അതേസമയം, അമേരിക്കയും ഇറാനും തമ്മിൽ നിലവിൽ പ്രഖ്യാപിച്ചിട്ടുള്ള രണ്ടാഴ്ചത്തെ വെടിനിർത്തൽ ഇന്ത്യയ്ക്ക് വലിയ ആശ്വാസമാണ്. ഈ കാലയളവിൽ ഹോർമുസ് കടലിടുക്കിലൂടെ കപ്പലുകൾ കടത്തിവിടാൻ ഇറാൻ സമ്മതിച്ചിട്ടുണ്ട്. ഇത് ഇന്ത്യയുടെ ഊർജ്ജ സുരക്ഷ ഉറപ്പാക്കാനും വിപണിയിലെ ക്ഷാമം ഒഴിവാക്കാനും സഹായിക്കുമെന്നാണ് പ്രതീക്ഷിക്കുന്നത്.
Summary: The Central Government has directed states and Union Territories to allocate a larger share of non-domestic LPG to key industrial sectors, such as pharma and food processing, amid supply disruptions caused by the Iran conflict. Petroleum Secretary Neeraj Mittal stated that industries will now receive 70% of their needs based on previous consumption. The decision follows Iranian blockades in the Strait of Hormuz, though a new two-week ceasefire between the US and Iran is expected to ease supply constraints for energy-dependent countries like India.
