കണ്ണൂർ: കേരളം വികസന കുതിപ്പിന്റെ പാതയിലാണെന്നും ഈ മാറ്റത്തിനൊപ്പം നീങ്ങാൻ നാടിന് കഴിയണമെന്നും മുഖ്യമന്ത്രി പിണറായി വിജയൻ. വികസന നേട്ടങ്ങളെ തകർക്കാൻ സംഘടിതമായ നുണപ്രചാരണങ്ങൾ നടക്കുന്നുണ്ടെന്നും ഇതിനെതിരെ ജാഗ്രത പാലിക്കണമെന്നും അദ്ദേഹം ഓർമ്മിപ്പിച്ചു.(There have been limitations as a candidate, says Chief Minister)
സ്ഥാനാർത്ഥി എന്ന നിലയിൽ മണ്ഡലത്തിൽ മുഴുവൻ സമയവും ചെലവഴിക്കാൻ കഴിയാത്തതിലെ പരിമിതി മുഖ്യമന്ത്രി തുറന്നുപറഞ്ഞു. സംസ്ഥാനത്തെ മറ്റ് മണ്ഡലങ്ങളിൽ കൂടി പ്രചാരണത്തിന് പോകേണ്ടി വന്നതിനാൽ സ്വന്തം മണ്ഡലത്തിലെ വോട്ടർമാരോട് പൂർണ്ണമായി സംവദിക്കാൻ കഴിഞ്ഞിട്ടില്ല.
ഈ പരിമിതി മനസ്സിലാക്കിയ ജനങ്ങളോട് അദ്ദേഹം നന്ദി അറിയിച്ചു. സമൂഹത്തിൽ വ്യാപകമായ രീതിയിൽ നുണപ്രചാരണങ്ങൾ നടക്കുന്ന കാലമാണിതെന്ന് മുഖ്യമന്ത്രി പറഞ്ഞു. യഥാർത്ഥ വസ്തുതകൾ കൃത്യമായി ആളുകളിലേക്ക് എത്തിണമെന്നും അദ്ദേഹം കൂട്ടിച്ചേർത്തു.
