പാലക്കാട്: തൃത്താല മണ്ഡലത്തിൽ യുഡിഎഫ് വൻ വിജയം നേടുമെന്നും വി.ടി. ബൽറാം മണ്ഡലം തിരിച്ചുപിടിക്കുമെന്നും ഷാഫി പറമ്പിൽ എംപി. രാഷ്ട്രീയ എതിരാളികളുടെ ആരോപണങ്ങളെ തള്ളിക്കളഞ്ഞ ഷാഫി, യുഡിഎഫിന് ‘ഡീൽ’ ജനങ്ങളുമായി മാത്രമാണെന്ന് വ്യക്തമാക്കി.(Our only deal is with the people, Shafi Parambil and VT Balram )
പാലക്കാട്ടെ മുസ്ലിം വോട്ടുകൾ വിഭജിക്കാൻ കഴിയില്ല എന്നും, തനിക്കും രാഹുൽ മാങ്കൂട്ടത്തിലിനും ലഭിച്ച പിന്തുണ ഇക്കുറിയും യുഡിഎഫിന് തന്നെ ലഭിക്കുമെന്ന് ഷാഫി ആത്മവിശ്വാസം പ്രകടിപ്പിച്ചു. തൃത്താലയ്ക്ക് ബൽറാമാണ് ബെസ്റ്റ് എന്നും അദ്ദേഹം പറഞ്ഞു. മുഖ്യമന്ത്രി പിണറായി വിജയൻ തിരഞ്ഞെടുപ്പ് പ്രചാരണത്തിനായി തൃത്താലയിൽ എത്തുന്നത് വി.ടി. ബൽറാമിന് അനുകൂല തരംഗമുണ്ടാക്കാൻ സഹായിക്കുമെന്നും അദ്ദേഹം പരിഹസിച്ചു.
