കൊച്ചി: മലയാള സിനിമയിലെ ഇതിഹാസ താരം മോഹൻലാലുമായി തന്നെ ഒരിക്കലും താരതമ്യപ്പെടുത്തരുതെന്ന് നടൻ നിവിൻ പോളി (Nivin Pauly Prathichaya Movie). തന്റെ പുതിയ ചിത്രമായ ‘പ്രതിഛായ’ യുടെ (Prathichaya) പ്രചരണാർത്ഥം സംഘടിപ്പിച്ച വാർത്താ സമ്മേളനത്തിലാണ് താരം നിലപാട് വ്യക്തമാക്കിയത്. ലാലേട്ടൻ എന്ന പ്രതിഭയ്ക്ക് പകരക്കാരനായി മറ്റാരുമില്ലെന്നും അദ്ദേഹം കൂട്ടിച്ചേർത്തു.
തന്റെ അഭിനയശൈലിയെക്കുറിച്ച് നിവിൻ പറഞ്ഞത് ഇങ്ങനെ:
“അഭിനയം വളരെ കാഷ്വൽ ആയി കാണുന്ന ഒരാളാണ് ഞാൻ. ഞാൻ അഭിനയം പഠിച്ചു വന്ന ആളല്ല, മറിച്ച് സിനിമകളുടെ സംവിധായകർ കാണിച്ചുതന്ന വഴികളിലൂടെ സഞ്ചരിച്ച ഒരാളാണ്.”
സിനിമയ്ക്ക് മുൻപ് വലിയ തയ്യാറെടുപ്പുകളോ തലേദിവസം ഇരുന്ന് ഡയലോഗ് പഠിക്കുന്ന രീതിയോ തനിക്കില്ലെന്ന് താരം വെളിപ്പെടുത്തി.
നേരിട്ട് ലൊക്കേഷനിൽ എത്തുക, സ്ക്രിപ്റ്റ് വായിക്കുക, തനിക്ക് ശരിയെന്ന് തോന്നുന്ന രീതിയിൽ അവതരിപ്പിക്കുക എന്നതാണ് രീതി. താൻ ചെയ്യുന്നത് തെറ്റാണെങ്കിൽ തിരുത്താൻ സംവിധായകൻ ഉണ്ടെന്ന ബോധ്യം തനിക്കുണ്ട്. കഥാപാത്രത്തെക്കുറിച്ചുള്ള തന്റെ കാഴ്ചപ്പാടും സംവിധായകന്റെ കാഴ്ചപ്പാടും തമ്മിലുള്ള ഒരു സമവായത്തിലൂടെയാണ് മുന്നോട്ട് പോകുന്നത്.
കഥാപാത്രത്തിന്റെ ശൈലി ഒരിക്കൽ ഉറപ്പിച്ചു കഴിഞ്ഞാൽ പിന്നെ അഭിനയിക്കുന്ന സമയത്ത് താൻ വലിയ ടെൻഷൻ എടുക്കാറില്ലെന്നും നിവിൻ പോളി പറഞ്ഞു.
Short Story Summary:
During a press conference for his upcoming movie ‘Prathichaya’, actor Nivin Pauly requested fans and critics not to compare him with the legendary Mohanlal, stating that “Lalettan is one of a kind.” Nivin also shared insights into his casual acting style, mentioning that he doesn’t do extensive prior preparations or memorize dialogues beforehand. Instead, he relies on the director’s vision and his own instincts on set to bring characters to life.
