കോഴിക്കോട്: കേരളത്തിലെ ഭരണകക്ഷിയായ സിപിഎമ്മും കേന്ദ്രം ഭരിക്കുന്ന ബിജെപിയും തമ്മിൽ അവിശുദ്ധമായ ഒത്തുകളി നടക്കുന്നുണ്ടെന്ന് കോൺഗ്രസ് നേതാവ് രാഹുൽ ഗാന്ധി (Rahul Gandhi Kozhikode Speech0. കോഴിക്കോട് നടന്ന യുഡിഎഫ് റാലിയിൽ ഓൺലൈനായി സംസാരിക്കുകയായിരുന്നു അദ്ദേഹം. ബിജെപിക്കെതിരെ വിട്ടുവീഴ്ചയില്ലാത്ത പോരാട്ടം നടത്തുന്ന തനിക്ക് 46 കേസുകൾ നേരിടേണ്ടി വരുമ്പോൾ, അഴിമതി ആരോപണങ്ങളിൽ കുടുങ്ങിയ സിപിഎം നേതാക്കൾ കേന്ദ്ര ഏജൻസികളിൽ നിന്ന് രക്ഷപ്പെടുന്നത് ഈ ‘സന്ധി’യുടെ തെളിവാണെന്ന് അദ്ദേഹം ആരോപിച്ചു.
അയ്യപ്പനെ (ശബരിമല) ബഹുമാനിക്കാത്തവർക്ക് എങ്ങനെയാണ് കേരളത്തിലെ ജനങ്ങളെയും അവരുടെ വിശ്വാസങ്ങളെയും ബഹുമാനിക്കാൻ സാധിക്കുകയെന്നും അദ്ദേഹം ചോദിച്ചു. രാഷ്ട്രീയ ആരോപണങ്ങൾക്കൊപ്പം കേരളീയരുടെ സേവനമനോഭാവത്തെ വാനോളം പുകഴ്ത്താനും രാഹുൽ മറന്നില്ല.
മലയാളി നഴ്സുമാർ: കരുണയുടെ ആഗോളരൂപങ്ങൾ
തന്റെ അമ്മ സോണിയ ഗാന്ധിയെ ആശുപത്രിയിൽ പ്രവേശിപ്പിച്ചപ്പോഴുണ്ടായ അനുഭവം പങ്കുവെച്ചുകൊണ്ടാണ് രാഹുൽ മലയാളികളെ പ്രകീർത്തിച്ചത്. “കഴിഞ്ഞ രാത്രി അമ്മയെ ആശുപത്രിയിൽ പ്രവേശിപ്പിച്ചപ്പോൾ അവിടെയുണ്ടായിരുന്ന ഒരു മലയാളി നഴ്സ് സ്വന്തം അമ്മയെപ്പോലെയാണ് അവരെ പരിചരിച്ചത്. ഒരു പോള കണ്ണടയ്ക്കാതെ ഉത്തരവാദിത്തം നിർവ്വഹിച്ച ആ നഴ്സിന്റെ പ്രവൃത്തി ഓരോ കേരളീയന്റെയും സ്വഭാവമാണ്,” രാഹുൽ പറഞ്ഞു.
ജാതിയും മതവും നിറവും നോക്കാതെ മനുഷ്യരെ ചേർത്തുപിടിക്കുന്ന മലയാളികളുടെ ഈ മനോഭാവം ലോകത്തിന് തന്നെ മാതൃകയാണെന്നും അദ്ദേഹം കൂട്ടിച്ചേർത്തു.
Short Story Summary:
In a virtual address to the UDF rally in Kozhikode, Rahul Gandhi alleged a secret pact between the BJP and CPM, citing the lack of action against CPM leaders in corruption cases while he faces 46 cases. He also criticized the Left’s stance on religious beliefs. Highlighting the selfless service of Malayalis, he shared a personal anecdote about a Malayali nurse who cared for his mother as her own, calling it a reflection of the true character of Kerala.
