ന്യൂഡൽഹി: കേരള നിയമസഭാ തിരഞ്ഞെടുപ്പിനുള്ള കോൺഗ്രസിന്റെ രണ്ടാംഘട്ട സ്ഥാനാർഥി പട്ടികയ്ക്ക് ഹൈക്കമാൻഡ് അംഗീകാരം നൽകിയതായി കെ.പി.സി.സി പ്രസിഡന്റ് സണ്ണി ജോസഫ് അറിയിച്ചു (Congress Candidate List 2026). പട്ടിക പ്രഖ്യാപനം ഉടൻ ഉണ്ടാകുമെന്നും അദ്ദേഹം വ്യക്തമാക്കി.
അതേസമയം, കോൺഗ്രസ് നേതൃത്വത്തെ പ്രതിരോധത്തിലാക്കി മുതിർന്ന നേതാവ് കെ. സുധാകരൻ ഡൽഹിയിൽ മാധ്യമങ്ങളെ കാണാൻ ഒരുങ്ങുന്നത് രാഷ്ട്രീയ വൃത്തങ്ങളിൽ വലിയ ചർച്ചയായിട്ടുണ്ട്. കണ്ണൂരിൽ അദ്ദേഹം സ്വതന്ത്രനായി മത്സരിക്കാൻ ഒരുങ്ങുന്നുവെന്ന സൂചനകളാണ് പുറത്തുവരുന്നത്.
രണ്ടാംഘട്ട സാധ്യതാ പട്ടിക:
വിവിധ മണ്ഡലങ്ങളിൽ പരിഗണിക്കപ്പെടുന്ന പ്രധാന പേരുകൾ താഴെ നൽകുന്നു:
തിരുവനന്തപുരം മേഖല: കെ.എസ്. ശബരീനാഥ് (നേമം), വി.എസ്. ശിവകുമാർ (അരുവിക്കര), ടി. ശരത്ചന്ദ്രപ്രസാദ് (കഴക്കൂട്ടം), നെയ്യാറ്റിൻകര സനൽ (പാറശാല), എൻ. ശക്തൻ നാടാർ (നെയ്യാറ്റിൻകര).
കൊല്ലം/പത്തനംതിട്ട: സഞ്ജയ് ഖാൻ (പുനലൂർ), പഴകുളം മധു (റാന്നി), അബിൻ വർക്കി (ആറന്മുള).
ആലപ്പുഴ/കോട്ടയം: എം. ലിജു (കായംകുളം), ബാബു പ്രസാദ് (ചെങ്ങന്നൂർ), നാട്ടകം സുരേഷ് (കാഞ്ഞിരപ്പള്ളി), ജോസഫ് വാഴയ്ക്കൻ (ഏറ്റുമാനൂർ), അലോഷ്യസ് സേവ്യർ (പൂഞ്ഞാർ).
എറണാകുളം: ടോണി ചമ്മിണി (വൈപ്പിൻ), ദീപക് ജോയ് (തൃപ്പൂണിത്തുറ). കൊച്ചിയിൽ മുഹമ്മദ് ഷിയാസ് അല്ലെങ്കിൽ ദീപ്തി മേരി വർഗീസ് എന്നിവരിലൊരാൾക്ക് സാധ്യത. പെരുമ്പാവൂരിൽ ഉല്ലാസ് തോമസ് അല്ലെങ്കിൽ മനോജ് മൂത്തേടൻ പരിഗണനയിൽ.
മലബാർ മേഖല: ടി.പി. ഷാജി (പട്ടാമ്പി), സന്ദീപ് വാര്യർ (തൃക്കരിപ്പൂർ), ബി.പി. പ്രദീപ്കുമാർ (ഉദുമ).
കൊച്ചി, പെരുമ്പാവൂർ തുടങ്ങിയ മണ്ഡലങ്ങളിൽ സ്ഥാനാർഥി നിർണ്ണയത്തെച്ചൊല്ലി പ്രാദേശിക തലത്തിൽ പ്രതിഷേധങ്ങൾ നിലനിൽക്കുന്നുണ്ട്. ഇതിനിടയിൽ കെ. സുധാകരനെപ്പോലൊരു മുതിർന്ന നേതാവ് കലാപക്കൊടി ഉയർത്തുന്നത് പാർട്ടിയുടെ തിരഞ്ഞെടുപ്പ് തന്ത്രങ്ങളെ ബാധിച്ചേക്കാം.
Story Summary:
KPCC President Sunny Joseph confirmed that the Congress High Command has approved the second list of candidates for the Kerala Assembly elections. Meanwhile, veteran leader K. Sudhakaran is expected to announce an independent candidacy from Kannur, posing a significant challenge to the party. The list includes prominent names like K.S. Sabarinath and V.S. Sivakumar, though disputes continue in seats like Kochi and Perumbavoor.
