കൊച്ചി: മലയാളികൾ കാത്തിരിക്കുന്ന ഷാജി പാപ്പനും സംഘവും വീണ്ടും വെള്ളിത്തിരയിലെത്താൻ മണിക്കൂറുകൾ മാത്രം ബാക്കി നിൽക്കെ, ചിത്രത്തിന്റെ ആദ്യ പ്രോമോ സീൻ പുറത്തുവിട്ടു (Aadu 3 promo scene Arakkal Abu). “ആട് 3, സീൻ 1, ഇന്നലെ സംഭവിച്ചത്” എന്ന ടൈറ്റിലോടെ പുറത്തിറങ്ങിയ പ്രോമോയിൽ സൈജു കുറുപ്പ് അവതരിപ്പിക്കുന്ന ജനപ്രിയ കഥാപാത്രം അറക്കൽ അബുവിന്റെ തകർപ്പൻ എൻട്രിയാണ് കാണിക്കുന്നത്.
അറക്കൽ അബുവിനൊപ്പം കൈപ്പുഴ കുഞ്ഞപ്പൻ ഉൾപ്പെടെയുള്ള പഴയ കഥാപാത്രങ്ങളെ വീണ്ടും കാണിക്കുന്നത് പ്രേക്ഷകർക്ക് വലിയ ആവേശമാണ് നൽകുന്നത്.ആദ്യ രണ്ട് ഭാഗങ്ങളെപ്പോലെ തന്നെ പൊട്ടിച്ചിരിപ്പിക്കുന്ന മുഹൂർത്തങ്ങൾക്കൊപ്പം ഇത്തവണ ഒരു ബിഗ് ബജറ്റ് എപിക് ഫാന്റസി അനുഭവമാണ് മിഥുൻ മാനുവൽ തോമസ് ഒരുക്കിയിരിക്കുന്നത്.
ബുക്ക് മൈ ഷോയിൽ ട്രെൻഡിംഗിലുള്ള ചിത്രത്തിന് കേരളത്തിന് അകത്തും പുറത്തും റെക്കോർഡ് അഡ്വാൻസ് ബുക്കിംഗാണ് ലഭിക്കുന്നത്. ജയസൂര്യയുടെ കരിയറിലെ ഏറ്റവും വലിയ ബോക്സ് ഓഫീസ് ഓപ്പണിംഗിനാണ് വഴിയൊരുങ്ങുന്നത്. മാർച്ച് 19-ന് ഈദ് റിലീസായി ആഗോളതലത്തിൽ ചിത്രം പ്രദർശനത്തിനെത്തും. വിജയ് ബാബുവിന്റെ ഫ്രൈഡേ ഫിലിം ഹൗസും വേണു കുന്നപ്പിള്ളിയുടെ കാവ്യ ഫിലിം കമ്പനിയും ചേർന്നാണ് ചിത്രം നിർമ്മിക്കുന്നത്. ക്ലീൻ ‘U’ സർട്ടിഫിക്കറ്റ് ലഭിച്ച ചിത്രത്തിന് 2 മണിക്കൂർ 47 മിനിറ്റാണ് ദൈർഘ്യം.
വിനായകൻ, ഇന്ദ്രൻസ്, ധർമജൻ ബോൾഗാട്ടി, സണ്ണി വെയ്ൻ തുടങ്ങി വൻ താരനിര അണിനിരക്കുന്ന ചിത്രത്തിൽ ഷാൻ റഹ്മാൻ സംഗീതവും ഡോൺ വിൻസെന്റ് പശ്ചാത്തല സംഗീതവും നിർവ്വഹിക്കുന്നു. “വൺ ലാസ്റ്റ് റൈഡ്” എന്ന് പേരിട്ടിരിക്കുന്ന ചിത്രത്തിന് ഒരു രണ്ടാം ഭാഗം കൂടി ഉണ്ടാകുമെന്ന് ടൈറ്റിൽ ടാഗ്ലൈൻ സൂചിപ്പിക്കുന്നു.
Story Summary:
The first promo scene of “Aadu 3 Part 1: One Last Ride,” titled “Scene 1: What Happened Yesterday,” has been released, featuring the iconic character Arakkal Abu (Saiju Kurup) and Kaipuzha Kunjappan. The promo promises a nostalgic and hilarious ride for fans of the franchise. Directed by Midhun Manuel Thomas and produced by Friday Film House and Kavya Film Company, the epic fantasy comedy is set for a major global release on March 19, 2026. The film has already seen record-breaking advance bookings across India.
