നാഗ്പൂർ: ഗണിത പ്രശ്നത്തിന് ഉത്തരം തെറ്റിയതിന് അഞ്ചാം ക്ലാസ് വിദ്യാർത്ഥിനിയെ അധ്യാപിക ക്രൂരമായി മർദ്ദിച്ചു (Nagpur Teacher Beats Student). മഹാരാഷ്ട്രയിലെ നാഗ്പൂർ ജില്ലയിലുള്ള ദിയോളി കലാനിലെ ജില്ലാ പരിഷത്ത് പ്രൈമറി സ്കൂളിലാണ് മനഃസാക്ഷിയെ ഞെട്ടിക്കുന്ന സംഭവം നടന്നത്. പത്ത് വയസ്സുകാരിയായ പെൺകുട്ടിക്കാണ് മർദ്ദനമേറ്റത്.
കഴിഞ്ഞ മാർച്ച് 10-നായിരുന്നു സംഭവം. കണക്ക് തെറ്റിച്ചതിൽ പ്രകോപിതയായ അധ്യാപിക കുട്ടിയെ ശാരീരികമായി ഉപദ്രവിക്കുകയായിരുന്നു. മർദ്ദനത്തിൽ കുട്ടിയുടെ ഇടതുകൈയ്ക്ക് ഗുരുതരമായി പരിക്കേറ്റു. വീട്ടിലെത്തിയ കുട്ടിയുടെ കയ്യിലെ പാടുകൾ കണ്ട് മാതാപിതാക്കൾ അന്വേഷിച്ചപ്പോഴാണ് വിവരം പുറത്തറിയുന്നത്.
സംഭവം പുറത്തുപറഞ്ഞാൽ കുട്ടിയെ സ്കൂളിൽ നിന്ന് പുറത്താക്കുമെന്ന് അധ്യാപിക മാതാപിതാക്കളെ വിളിച്ച് ഭീഷണിപ്പെടുത്തിയതായും റിപ്പോർട്ടുകളുണ്ട്. ചൈൽഡ് ഹെൽപ്പ് ലൈൻ അധികൃതർ ഇടപെട്ടതിനെത്തുടർന്ന് നടത്തിയ അന്വേഷണത്തിനൊടുവിൽ അധ്യാപികയ്ക്കെതിരെ പോലീസ് എഫ്ഐആർ രജിസ്റ്റർ ചെയ്തു.
Summary
A 10-year-old fifth-grade student was brutally beaten by her teacher in Nagpur, Maharashtra, for solving a mathematics problem incorrectly. The girl sustained serious injuries to her left hand in the incident which took place at a Zilla Parishad school.
