തിരുവനന്തപുരം: കായിക ലോകത്തിന് ആവേശമായി തലസ്ഥാനത്ത് ഒരു രാജ്യാന്തര നിലവാരമുള്ള ക്രിക്കറ്റ് സ്റ്റേഡിയം കൂടി തുറക്കുന്നു (Mangalapuram KCA stadium). മംഗലപുരം മുല്ലശ്ശേരിയിൽ കെ.സി.എ നിർമ്മിച്ച അത്യാധുനിക സ്റ്റേഡിയത്തിന്റെ ഉദ്ഘാടനം മാർച്ച് 16-ന് വൈകിട്ട് 6 മണിക്ക് മുഖ്യമന്ത്രി പിണറായി വിജയൻ നിർവഹിക്കും.
ഇന്ത്യയുടെ ലോകകപ്പ് വിജയത്തിൽ പങ്കാളിയായ സഞ്ജു സാംസണെ മുഖ്യമന്ത്രിയുടെ സാന്നിധ്യത്തിൽ ചടങ്ങിൽ വെച്ച് ആദരിക്കും. പുതിയ തലമുറയിലെ താരങ്ങൾക്ക് സഞ്ജുവിന്റെ നേട്ടം വലിയ പ്രചോദനമാണെന്ന് കെ.സി.എ ഭാരവാഹികൾ വ്യക്തമാക്കി.
കായിക മന്ത്രി വി. അബ്ദുറഹ്മാൻ, മന്ത്രിമാരായ വി. ശിവൻകുട്ടി, ജി.ആർ. അനിൽ എന്നിവരും ജനപ്രതിനിധികളും ചടങ്ങിൽ പങ്കെടുക്കും. കെ.സി.എ പ്രസിഡൻ്റ് ശ്രീജിത്ത് വി നായർ അധ്യക്ഷത വഹിക്കും.മംഗലപുരത്തെ പുതിയ സ്റ്റേഡിയം തിരുവനന്തപുരത്തെ ക്രിക്കറ്റ് വളർച്ചയ്ക്ക് വലിയ മുതൽക്കൂട്ടാകുമെന്നാണ് വിലയിരുത്തപ്പെടുന്നത്. കൂടുതൽ ആഭ്യന്തര, രാജ്യാന്തര മത്സരങ്ങൾക്ക് വേദിയൊരുക്കാൻ ഈ സ്റ്റേഡിയം സഹായിക്കും.
ലോകോത്തര സൗകര്യങ്ങളോടെ ഒരുക്കിയിരിക്കുന്ന സ്റ്റേഡിയം ഉദ്ഘാടനം ചെയ്യുന്നതോടെ കേരളത്തിന്റെ കായിക ഭൂപടത്തിൽ തിരുവനന്തപുരം മംഗലപുരം പ്രധാന കേന്ദ്രമായി മാറും.
Story Summary: Kerala Cricket Association (KCA) will honor Indian cricketer Sanju Samson for his role in India’s T20 World Cup victory. The ceremony will take place during the inauguration of the newly built cricket stadium in Mangalapuram, Thiruvananthapuram, on March 16. Chief Minister Pinarayi Vijayan will inaugurate the stadium and lead the felicitation.
