തിരുവനന്തപുരം: പ്രതിപക്ഷ നേതാവ് വി.ഡി. സതീശന്റെ മകൾ ഉണ്ണിമായ ഇത്തവണ ആറ്റുകാൽ അമ്മയ്ക്ക് പൊങ്കാല സമർപ്പിച്ചത് അച്ഛന്റെ ആഗ്രഹങ്ങളുടെ പൂർത്തീകരണത്തിനായുള്ള പ്രാർത്ഥനകളോടെയാണ്. കന്റോൺമെന്റ് ഹൗസിന് മുന്നിൽ നടന്ന പൊങ്കാല സമർപ്പണത്തിന് സാക്ഷിയാകാൻ വി.ഡി. സതീശനും എത്തിയിരുന്നു.(He is putting in a lot of effort, VD Satheesan’s daughter on Attukal Pongala)
ഇത് രണ്ടാം തവണയാണ് താൻ പൊങ്കാലയിടുന്നതെന്ന് ഉണ്ണിമായ പറഞ്ഞു. അച്ഛൻ ഒരുപാട് എഫേർട്ട് ഇടുന്നുണ്ടെന്നും ആ പ്രയത്നത്തിന് നല്ല ഫലം ഉണ്ടാകണമെന്നുമാണ് ആഗ്രഹം. കോൺഗ്രസിന് വരാനിരിക്കുന്ന തിരഞ്ഞെടുപ്പിൽ മികച്ച വിജയം ഉണ്ടാകണമെന്നാണ് പ്രാർത്ഥന.
അച്ഛൻ മുഖ്യമന്ത്രിയാകണമെന്നതിനെക്കുറിച്ചൊന്നും താൻ ചിന്തിച്ചിട്ടില്ലെന്നും എന്നാൽ പാർട്ടിക്ക് നല്ല റിസൾട്ട് ഉണ്ടാകണമെന്നാണ് ആഗ്രഹമെന്നും ഉണ്ണിമായ വ്യക്തമാക്കി. വ്യക്തിപരമായ കാര്യങ്ങൾക്കായി പൊങ്കാലയിടാറില്ലെന്ന് വി.ഡി. സതീശൻ പ്രതികരിച്ചു. ഒരു പുതിയ കാലം ഉണ്ടാകുമെന്നും അടുത്ത പൊങ്കാലയ്ക്ക് ക്ലിഫ് ഹൗസിൽ കോൺഗ്രസ് മുഖ്യമന്ത്രി ഉണ്ടാകുമെന്നുമാണ് തന്റെ പ്രതീക്ഷയെന്നും അദ്ദേഹം പറഞ്ഞു.
