ന്യൂഡൽഹി: രാജ്യത്തെ പൊതുതിരഞ്ഞെടുപ്പിനുള്ള ഒരുക്കങ്ങൾ അന്തിമഘട്ടത്തിലേക്ക് കടക്കവെ, വോട്ടെടുപ്പ് തീയതികൾ സംബന്ധിച്ച സൂചനകൾ പുറത്തുവരുന്നു. തിരഞ്ഞെടുപ്പ് കമ്മീഷന്റെ ഔദ്യോഗിക പ്രഖ്യാപനം മാർച്ച് 15-ഓടെ ഉണ്ടായേക്കുമെന്നാണ് റിപ്പോർട്ടുകൾ സൂചിപ്പിക്കുന്നത്.(Polling in Kerala likely to be held in the third week of April)
സുരക്ഷാ സാഹചര്യങ്ങൾ പരിഗണിച്ച് ബംഗാളിൽ അഞ്ചിൽ കൂടുതൽ ഘട്ടങ്ങളായി വോട്ടെടുപ്പ് നടത്താനാണ് സാധ്യത. ഇത് മേയ് ആദ്യവാരം വരെ നീണ്ടുനിന്നേക്കാം. കേരളത്തിൽ വോട്ടെടുപ്പ് ഏപ്രിൽ മൂന്നാം വാരത്തിൽ നടന്നേക്കും.
ഏപ്രിൽ പകുതിയോടെ പ്രക്രിയ പൂർത്തിയാക്കാനാണ് നീക്കം. ആദ്യഘട്ടങ്ങളിൽ തന്നെ വോട്ടെടുപ്പ് പൂർത്തിയാക്കുന്ന സംസ്ഥാനങ്ങളുടെ പട്ടികയിൽ തമിഴ്നാടും അസമും ഉൾപ്പെട്ടേക്കും.
